12 февраль, душанба.
"Локомотив" - "Ал Ваҳда" (16:00)

Ўзбекистон чемпиони "Локомотив" ОЧЛ гуруҳ босқичидаги илк турни ўз уйида ўтказади. "Темирйўлчилар"нинг илк рақиби БААнинг "Ал Ваҳда" жамоаси бўлади.

"Локомотив"нинг бу йилги Осиё чемпионлар лигасида кўзлаётган мақсади анча жиддий. Буни жамоа олиб борган трансфер компаниясидан ҳам пайқаш мумкин. Сардор Рашидовни таркибга қўшиб олинганининг ўзиёқ мухлисларда ушбу жамоанинг ўйинига бўлган қизиқишни кескин ошириб юбориши мумкин.

Янги ҳафтанинг илк кунидаги мазкур баҳс нафақат "Локомотив", балки ўзбек футболи учун ҳам муҳим ўйин саналади.
Футболга чанқоқ мухлисларимиз эса янги мавсумдаги "Локо"ни тезроқ кўришни исташмоқда. Демак янги ҳафта биз учун жуда муҳим баҳс билан бошланади.

13 февраль, сешанба.
"Персеполис" - "Насаф" (18:45)

ОЧЛ гуруҳ босқичига йўлланмани ажойиб ғалаба билан қўлга киритган "Насаф" Эронга сафар уюштиради. Эрондаги баҳайбат "Озоди" стадионида "Насаф"ни "Персеполис" жамоаси меҳмон қилади. Мазкур баҳсда вакилларимизга осон бўлмаслиги аниқ.
Шуни қайд этиш керакки, "Насаф" ва Рўзиқул Бердиев учун Эрон сафари ҳар гал муваффақиятли тугаган. Дастлаб 2012 йил "Истиқлол" билан "Озоди"да дуранг қайд этган Бердиев, 2015 йили "Тракторсози"ни мағлуб этиб қайтганди. Бу гал вазият қандай бўлишини вақт кўрсатади. Умид қиламизки, "Насаф" бу сафар ҳам Эрон сафаридан қуруқ қўл билан қайтмайди.

Европа чемпионлар лигасида янги ҳафтада чинакамига қизиқарли ўйинлар билан бошланади. Европа футболидан завқ оладиган пайтлар яқинлашмоқда.

ЕЧЛ, нимчорак финал.

13 февраль, сешанба.

"Ювентус" - "Тоттенхэм" (00:45)
"Базель" - "Манчестер Сити" (00:45)

14 февраль, чоршанба.
"Порту" - "Ливерпуль" (00:45)
"Реал" - ПСЖ (00:45)

Европа лигаси, 1/16 финал.
"Наполи" - "Лейпциг" (01:05)

Кейинги ҳафта ўтказиб юбориш мумкин бўлмаган супер ўйинлар!