Keyrush ushbu muvaffaqiyatga Portugaliya, BAA, JAR hamda Eron termalarini boshqarib erishdi. Eron Boliviya bilan kechgan o'rtoqlik o'yinida 2:1 hisobida zafar quchgandi. Qo'lga kiritilgan yutuq portugaliyalik murabbiyning terma jamoalar bilan 100-g'alabasi bo'lgandi. Keyinchalik forslar Trinidad va Tobagoni ham mag'lubiyatga uchratishdi. Natijada Keyrushning g'alabalari soni 101taga etdi.

"Futbolda g'alaba eng yaxshi tibbiyot, - deydi Karlush Keyrush. - 2014 yilgi JCH saralashida biz Janubiy Koreyani Ulsan shahrida mag'lub etgandik, bu men uchun eng yoqimli g'alabalardan biri bo'lib qoladi. Ammo Eron bilan uchralgan 11ta mag'lubiyat ham yodimda. Buni ham unutmaslik kerak. Men to'rt marta jahon chempionatida ishtirok etganman. Endi beshinchisini orzu qilyapman. Qolaversa, Osiyo Kubogini yutish asosiy maqsadlarimdan biri hisoblanadi".

Malumot, uchun Karlush Keyrush 1991-93, 2008-2010 yillarda Portugaliya, 1998-99 yilda BAA hamda 2000-2002 yillarda JAR terma jamoalarini boshqargan. U 2011 yildan beri Eron bosh murabbiyi hisoblanadi.

Keyrushda g'alabalar soni 100tadan oshdi