Bir necha hafta oldin ushbu musobaqaning saralash uchrashuvlari yakuniga etdi. Jahon chempionatiga chiqish uchun kurashgan O'zbekiston jamoalari va kibersportchilarining ishtiroki haqida malumotlarni etiboringizga havola qilamiz.

Dota 2
Markaziy Osiyo saralash bosqichida O'zbekiston sharafini Comeback nomli jamoa himoya qildi. Ular yarim finalda Qirg'izistonning NoLifer5 jamoasiga mag'lub bo'lib, jahon chempionati yo'llanmasidan quruq qolishdi.
Saralash g'olibi: NoLifer5 (Qirg'iziston)

Counter-Strike: Global Offensive
Ushbu o'yin bo'yicha ham vakillarimiz muvaffaqiyatsizlikka uchrashdi. O'zbekiston nomidan saralash uchrashuvlarida qatnashgan Prodigy Gaming yarim finalda Qozog'iston jamoasiga mag'lub bo'ldi va jahon chempionati chiptasini qo'lga kirita olmadi.
Saralash g'olibi: Kazakhstan (Qozog'iston)

StarCraft II
StarCraft o'yini bo'yicha saralash uchrashuvida ishtirok etgan Pheonix nikli ishtirokchimiz hal qiluvchi bahsda qozog'istonlik Replicant nikli raqibiga mag'lub bo'ldi va mundial yo'llanmasini qo'ldan boy berdi.

PES2019
Pro Evolution Soccer o'yinida hamyurtimiz Salohiddin Esonov Markaziy Osiyo saralash bosqichida g'olib chiqdi va kompyuter o'yinlari bo'yicha Xitoyda bo'ladigan jahon chempionati (WESG) chiptasini qo'lga kiritdi.

Shunday qilib, mamlakatimizdan faqat bir kishi (Salohiddin Esonov) jahon chempionati o'yinlarida ishtirok etadi.

Kibersport. Biznikilar ham jahon chempionatida ishtirok etishadimi?