Toshkentda 1 hafta faoliyat olib borgan Kiko, bir kun Samarqandda bo'ldi. Ikki kundan buyon Surxondaryoning Boysun tumanida faoliyat yuritayotgan, "Lokomotiv-Boysun" maktabida tarbiya ko'rayotgan istedod egalari bilan ishlayotgan Kikoni bir futbolchi o'z etiborini tortdi.

Undan avval, unga "JFL Tashkent"ning 2011 yilda tavallud topgan futbolchisi ham huddi shunday maqul kelgan edi. Shuningdek, 2005 yilda tarbiyalanuvchilari o'rtasida bo'lib o'tgan "Lokomotiv" - "Shayxontoxur" jamoalari o'rtasidagi Toshkent shahar birinchiligida ham 2006 yilda tavallud topgan yosh "temiryo'lchi"ning harakatlari unga manzur bo'lgan.

"Bu futbolchini men albatta "Barselona" skautlariga ko'rsataman, u haqdagi to'liq axborotni olishim kerak. Balki Sizlar undagi qobiliyatni ko'rmayotgandirsizlar, ammo men hozir uni "Barselona" akademiyasiga olib borsam, hech kim uni boshqa mamlakatdan kelgan demaydi, huddiki "Barselona"da uzoq yillardan beri tarbiya topayotgan futbolchiga o'xshatadi. Toshkentda ham ikki nafar bola yoqqandi, faqat ulardan biri hozircha ancha yosh. Men bu futbolchi bilan jiddiy shug'ullanaman hamda "Barselona"dagi do'stlarimga uni O'zbekistonga kelib ko'rib ketishlarini tavsiya qilaman yoki bu bolani Ispaniyaga chaqiramiz", deydi ham murabbiy, ham futbol skauti bo'lgan Kiko Zuniga.

Kiko Zuniga shanba va yakshanba kuni vodiydagi hamkorlarimiz, "Odil Junior" va "BFC Asia" jamoalarida tarbiya topayotgan futbolchilarni sinovdan o'tkazadi.

Kiko Zuniga boysunlik istedod egasini "Barselona" akademiyasiga tavsiya qiladi