"Ҳимояда катта муаммолар йўқ, баъзи вазиятларда хатолар бўляпти. Аммо бу ўйинга қандай таъсир қилаётганини кўриб турибсиз.

Қандай ўйнашнинг фарқи йўқ, сен курашларда ғолиб бўлишинг керак. Бошқа вариант йўқ. Бу ҳақида кийиниш хонасида айтгандим, яна такрорлаяпман.

Биз тўқнаш келадиган кейинги жамоа "Брайтон" бўлади. Улар жуда яхши ўйин кўрсатишмоқда. Агар уларга қарши муносиб ҳимоялана олмасак, футбол ўйнашдан нима маъно?

Баъзи вазиятларда очиқ ўйин кўрсатяпмиз, чунки курашларда устун келаяпмиз деб ўйламоқдамиз, аммо бундай эмас.

Гап рақибда вазият кўп бўлаётганида эмас. Биз хатоларни тўғирлаш учун кўп куч сарфлаяпмиз. Керакли жойда курашда ғалаба қозонсак, орқага югуриб, хатони тўғирлаш шарт бўлмайди" - дейди Клопп.

Клопп "Ливерпуль" ҳимояси ҳақида: "Қандай ўйнашнинг фарқи йўқ, курашларда ғалаба қозониш керак"