“Ular o'yin startini juda agressiv boshlashdi va keyin nima bo'lishi aniq edi. Bahs boshida tajovuzkor harakat qilib, darvoza ustunini poylashdi.
O'tkazib yuborilgan goldan keyin esa ustunlikni o'z tomonimizga og'dirdik va xohlaganimizcha o'ynadik. Bazi vaziyatlarda omadimiz kelmadi, tanaffusgacha hisobni tenglashtirsak zo'r bo'lardi.
O'tkazib yuborilgan ikkinchi gol ham bizga yordam bermadi, golimizdan keyin esa o'yin qizg'in kechdi. Albatta, bu biz kutgan natija emas.
Xotirjam harakat qilib, “Manchester Yunayted”ga qarshi safardagi o'yinda aql bovar qilmas darajada ko'p zarba berdik. Biroq, bunday vaziyatlardan foydalanish kerak. 2-taymda De Xea fantastik seyv ko'rsatdi.
Idealimizdagi o'yinni namoyish etolmadik, 100 foizga tayyor emasdik. Ikkinchi jamoa rolida bo'lishimiz kerak edi va bu biz istagan holat emas. Raqibning qarshi hujumga o'tishga qodirligini hisobga olsak, bu qiyinroq kechdi.
Ikkinchi golni qabul qilish qiyin. Bizda bu hafta ixtiyorimizda 14-15 o'yinchi bor edi va endi ular jarohat olmaganiga ishonch hosil qilishimiz lozim.
G'alaba qozonishimiz kerak edi. Bilaman, ahmoqona eshitilmoqda, ammo menga shunday tuyuldi.
Hozirgi vaziyatimizdan xavotirdaman, ammo buni shunday qabul qilish kerak”, deydi Klopp.

Klopp: “Omad kelmadi”