"Umid qilamanki, garchi ishonchim komil bo'lmasa ham, Virgil bir necha daqiqa o'ynashi mumkin. U mashg'ulotlarda juda yaxshi ko'rindi va ehtimol maydonga tushirarmiz. Lekin u bilan suhbatlashib, hamma narsani aniqlab olishim kerak. Van Deyk tayyorga o'xshadi, shuning uchun uning holatini ko'rib chiqamiz. Agar bo'lajak uchrashuvlarni tiklanish jarayonining bir qismi deb hisoblasak, demak, bularning barchasi mantiqan to'g'ri.

Jo Gomes ham safga qaytishga yaqin. Ular kim tez qaytarga raqobatlashmaydilar, ammo Jo oldinroq qo'shilsa kerak. Agar Virgil bo'lajak o'yinda 20 daqiqa o'ynasa, ehtimol keyingi uchrashuvda Jo maydonga tushishi mumkin. Barchasini o'ylab ko'ramiz. Ikkalasi ham mashg'ulotlarda o'zini yaxshi his qilmoqda", - deydi Klopp.

Eslatib o'tamiz, Van Deyk o'tgan yilning oktyabr oyida "Everton"ga qarshi o'yinda oyog'idan jarohat olgandi va shu vaqtdan beri maydonga tushmadi. Gomes ham jarohati sababli noyabr oyidan beri o'ynamayapti.

Klopp Van Deyk va Gomesning qachon safga qaytishini aytdi