Suhbat davomida biz bir qator savollar, xususan futbolchilarning shartnomalarida uchrayotgan muammolar haqida ham so'radik. Deylik 2020 yil Toshkentning "Bunyodkor" klubidan Moskvaning "Lokomotiv" jamoasiga yo'l olgan Jasur Jaloliddinovning shartnomasida tushunarsiz bandlar kiritilgan. Mana shu jarayonga Kamoliddin Murzoev atroflicha javob berib o'tdi.
"Jasur ham bizga murojaat bilan chiqqan. Agenti bilan tuzgan agentlik shartnomasini juda qo'pol bandlarini va u agentlik bilan shartnomasini bekor qila olmayotgani haqida murojaat qildi. Ushbu masalani ijobiy hal qildik. Uning shartnomasida agar Jasur boshqa jamoaga yoki boshqa agentlikka ketadigan bo'lsa, 1 million dollar miqdorida agentga tovon puli to'lashi ko'rsatilgandi. FIFPro tashkilotidagi tajribali yuristlarimiz bilan maslaxatlashdik. Jasurga davralar oralig'ida "Andijon"ga kelib qo'shilishiga ko'maklashdik. Agar futbolchilar shartnomalar tuzishdan oldin bizga yuzlanishsa ularda ancha engillik bo'ladi. Agar bizning azoimiz bo'lishsa bir yil davomida 24 soat xizmatidamiz. Jasurni ishi amalda yaxshi tugadi. Agentlar shartnomaga aralasha olishmadi.
Ketish jarayonida FIFA reglamentining buzilishi va uchinchi shaxslarning aralashuvi bilan Jasur "Bunyodkor"ni tark etgan. Buning ichidan o'rganish uchun alohida bir tashkilot o'rganishi kerak. Vakolatimiz doirasiga kirmaydi. Futbolchini olib ketayotganda klubdagilar va klubdan tashqaridagi insonlar shartnomani bekor qilishga undashgan. Amalda shartnomasi bor futbolchi bekor qilgan holda chetga chiqib ketdi",- deydi Kamoliddin Murzoev.
Izohlar