Ушбу ўйин ҳақида "Бавария" футболчиси, биринчи ўйиндаги ягона гол муаллифи Кингсли Коман фикр билдирди.

"ПСЖни қанчалик яхши кўришимни ҳамма билади. Буни кўп ҳам гапирмаганман. Клубга ҳурмат билан қарайман. Бироқ, бу қарама-қаршиликда "Бавария" кейинги босқичга чиқиши учун боримни бераман.

Нега биринчи учрашувда голимни нишонламадим? Ўйин бошида мухлислар мени роса ҳақорат қилишди, аммо мен ўзимга "бир неча инсон мени фикримдан қайтара олмайди" дедим. Гол урганда нишонлагинг келади, аммо мен собиқ клубимга бўлган ҳурматимни кўрсатдим. Бугун гол урсам, албатта нишонлайман", -дейди Кингси Коман.

Маълумот учун, "Бавария" – ПСЖ учрашуви 01:00 да старт олади.

Коман: "ПСЖни қанчалик яхши кўришимни ҳамма билади, аммо "Бавария" кейинги босқичга чиқиши учун боримни бераман"