Суперкубок тарихи
Турнирдаги ўзаро ўйинлар
Шаҳбоз Беғамов шарҳлаб борган ўйин
"Насаф" томонидан кўрсатилган ҳурмат
Черан: "Барчасига Рўзиқул Бердиев "айбдор".

Август ойида қувончли кунларимиз кўпроқ бўлди. Айниқса, сешанба оқшомидаги кайфият ой бошида телефонга Click'дан келадиган қувончли смс сингари кўриниш олди. Учрашувларни офисда кўришни режалаштиргандим, бироқ баъзи сабабларга кўра уйга қайтадиган бўлиб қолдим. Эртароқ старт олган "Навбаҳор" иштирокидаги беллашувнинг биринчи бўлимини араб тележурналисти ҳамда автобус ичи бўйлаб садо бераётган "Болалар" гуруҳининг биргаликдаги шарҳида томоша қилдим. Хайриятки, иккала ўйин ҳам кепкаларни осмонга ирғитадиган натижа билан якунланди. Фақатгина ҳамюртларимиз гол урганда, овоз пайларимизни жиловлай олмаган пайтимизда дераза рахида хаёл суриб ўтирган мушукнинг "Бақирмай ўл! Ўтакамни ёрвордиларинг-ку! Сенларни дастингдан тинчгина ором олиб бўлмайди" жумласини учта ҳарфдан иборат "Мёв" овозига жамлаганча, қочиб қолгани ҳамда тинчликсевар қўшни кампирнинг юқоридаги сўзларни юз қиёфасида акс эттирганини инобатга олмаганда, қолган барча хурсанд эди. Ҳатто ОКМК иштирокидаги ўйинга ташриф буюрган-у, водийдаги маҳаллий стадионда қўллаб-қувватлаб турган наманганлик мухлислар ҳам яна бир маротаба қойил қолдирди. Майли, энди байрамона руҳда якунланган тўқнашувлардан ортга чекиниб, Ўзбекистон Суперкубоги учун аталган саҳифамизни очамиз.

Аввалги Суперкубоги баҳслари

Ўзбекистон Суперкубоги-1999.

"Навбаҳор" (Наманган) - "Пахтакор" (Тошкент) 4:2

29 август 1999 йил. Фарғона. "Нефтчи" стадиони. 6000 томошабин.

Бош ҳакам: Ғайрат Каримов.

Голлар: Шуҳрат Раҳмонқулов 20, Леонид Кошелев 55, 77, Сайдулло Турсунов 75 - Андрей Акопянц 88, 88.

"Навбаҳор": Дмитрий Башкевич (Олег Беляков, 64), Рашид Ғофуров (Жаҳонгир Рўзиқулов, 80), Сайдулло Турсунов, Хайрулло Каримов, Константин Гальченко, Леонид Кошелев, Баходир Сейткамолов, Шуҳрат Раҳмонқулов, Тоҳир Мадраҳимов, Анвар Солиев, Рустам Дўрмонов (Шерзод Назаров, 75).

Бош мураббий: Виктор Жалилов.

"Пахтакор": Павел Бугало, Бахтиёр Ашурматов, Рустам Шоймардонов, Владимир Гальянов (Андрей Стрельцов, 86), Бахтиёр Қамбаралиев, Нўъмон Нурматов (Александр Писарев, 67), Николай Ширшов, Марат Аҳмеров (Мурод Алиев, 46), Азамат Абдураимов, Игорь Шквирин, Андрей Акопянц.

Бош мураббий: Аҳмад Убайдуллаев.

Огоҳлантиришлар: Тоҳир Мадраҳимов 33, Хайрулло Каримов 44 - Бахтиёр Ашурматов 29.

Ўзбекистон Суперкубоги-2014.

7 март 2014 йил. "Жар" стадиони. 4751 томошабин.

"Локомотив" (Тошкент) – "Бунёдкор" (Тошкент) 1:2

Ҳакамлар: Равшан Эрматов, Абдуҳамидулло Расулов (Ўзбекистон), Баҳодир Қўчқоров (Қирғизистон), Азиз Асимов (Тошкент).

Назоратчи: Р. Серазитдинов (Тошкент).

Голлар: Олександр Пишур 27, - 0:1. Воҳид Шодиев 67, - 0:2. Вячеслав Шевченко 80, - 1:2.

"Локомотив": 1. Игнатий Нестеров, 3. Евгений Гоголь, 4. Бобур Йўлдошев, 8. Акмал Холматов (77. Жасур Ҳасанов, 46), 10. Фарҳод Тожиев (23. Иван Нагаев, 46), 16. Жасур Ҳасанов, 19. Ислом Иномов (18. Фозил Мусаев, 70), 22. Виктор Карпенко, 30. Дилшод Жабборов, 88. Лутфулла Тўраев, 99. Вячеслав Шевченко

Бош мураббий: Вадим Абрамов.

"Бунёдкор": 25. Муроджон Зуҳуров, 2. Акмал Шораҳмедов, 4. Хайрулла Каримов, 6. Анвар Ғофуров, 8. Жавлон Иброҳимов, 11. Олександр Пишур, 16. Карлес Кото (21. Сардор Рашидов, 60), 24. Баҳодир Пардаев (7.Алибобо Раҳматуллаев, 75), 27. Сардор Собирхўжав, 33. Олег Зотеев (14. Воҳид Шодиев, 65), 40. Сергей Симоненко.

Бош мураббий: Миржалол Қосимов.

Огоҳлантиришлар: Евгений Гоголь 15, Лутфулла Тўраев 38, Ислом Иномов 58, Иван Нагаев 77 - Анвар Ғофуров 6, Жавлон Иброҳимов 54, Воҳид Шодиев 88, Хайрулла Каримов 90+4.

Ўзбекистон Суперкубоги-2015

"Пахтакор" (Тошкент) – "Локомотив" (Тошкент) 0:4

8 март 2015 йил. Тошкент. "Бунёдкор" стадиони. 7216 томошабин.

Ҳакамлар: Равшан Эрматов (Тошкент), Абдуҳамидулло Расулов (Тошкент), Жаҳонгир Саидов (Тошкент), Вадим Агишев (Тошкент)

Назоратчи: Г. Имомов (Тошкент).

Голлар: Лутфулла Тўраев (37), Темурхўжа Абдуҳолиқов (49), Корьян (56 пенальти), Марат Бикмаев (89)

"Пахтакор": Александр Лобанов, Егор Кримец, Аднан Ораховац, Кахи Махарадзе, Жамшид Искандеров, Игорь Сергеев, Наврўз Алимов (Акбар Исматуллаев, 46), Александр Мерзляков, Давронбек Ҳошимов, Станислав Андреев (Жалолиддин Машарипов, 58), Владимир Козак (Шерзод Каримов, 56).

Захира: Никита Рибкин, Мурод Холмуҳаммедов, Жавоҳир Соҳибов, Баҳодир Пардаев.

Бош мураббий: Самвел Бабаян.

"Локомотив": Маъмур Икромов, Неманья Яничич, Ислом Тўхтахўжаев, Салим Мустафоев, Темур Кападзе (Жасур Ҳасанов катта, 56), Жасур Ҳасанов (кичик) (Шавкат Муллажонов, 59), Олег Зотеев, Лутфулла Тўраев, Сардор Мирзаев, Руслан Корян (Марат Бикмаев, 78), Темурхўжа Абдухолиқов.

Захира: Сардор Қобулжонов, Санжар Шоаҳмедов, Алишер Шоғуломов, Дамир Кояшевич.

Бош мураббий: Вадим Абрамов.

Огоҳлантиришлар: Александр Мерзляков (34) - Ислом Тўхтахўжаев (63).

Ўзбекистон Суперкубоги-2016.

"Насаф" - "Пахтакор" 1:0

17 февраль 2016. Тошкент. "Бунёдкор" стадиони. 4748 томошабин.

Ҳакамлар: Равшан Эрматов (Тошкент), Абдулҳамидулло Расулов, Жаҳонгир Саидов (иккиси Тошкент), Шерзод Қосимов (Тошкент).

Назоратчи: Булат Галеев (Урганч).

Гол: Артур Геворкян (39)

"Насаф": Санжар Қувватов, Мақсуд Каримов, Шерзод Аъзамов (Азиз Ғаниев, 76), Шуҳрат Муҳаммадиев, Сайдулло Раҳматов, Эркин Бойдуллаев, Дилшод Раҳматуллаев, Артур Геворкян, Баҳром Абдураҳимов, Бобир Абдухолиқов (Азамат Алланиёзов, 84), Илҳом Шомуродов.

Захира: Элдор Суюнов, Илдар Маматказин, Дилшод Хушбаков, Деян Больевич, Дониёр Нарзуллаев.

Бош мураббий: Рўзиқул Бердиев.

"Пахтакор": Никита Рибкин, Даврон Ҳошимов, Жамшид Болтабоев, Камолиддин Тожиев, Акбар Исматуллаев (Жавоҳир Соҳибов, 46), Азим Аҳмедов, Жамшид Искандеров (Владимир Козак, 80), Жалолиддин Машарипов (Суҳроб Бердиев, 57), Станислав Андреев, Игорь Сергеев, Шерзод Каримов.

Захира: Тимур Жўраев, Аднан Ораховац, Жавоҳир Сидиқов, Ойбек Қиличев.

Бош мураббий: Нўъмон Ҳасанов.

Огоҳлантиришлар: Баҳром Абдураҳимов (2), Сайдулло Раҳматов (55), Эркин Бойдуллаев (79) - Жавоҳир Соҳибов (74).

Ўзбекистон Суперкубоги-2019.

"Локомотив" (Тошкент) - АГМК (Олмалиқ) 2:1

23 февраль 2019. Тошкент. "Пахтакор" стадиони. 18171 томошабин.

Ҳакамлар: Шерзод Қосимов, Санжар Шоюсупов, Андрей Цапенко, Жасур Мухторов.

Назоратчи: Бахтиёр Намозов.

ПФЛ комиссари: Эркин Бахтиёров.

Голлар: Темурхўжа Абдуҳолиқов (12), Йован Жокич (74) - Зафар Полвонов (77)

"Локомотив": 35.Жавоҳир Илёсов, 5.Анзур Исмоилов, 8.Жамшид Искандеров (7.Азиз Ҳайдаров, 74), 10.Сардор Мирзаев, 11.Темурхўжа Абдухолиқов (9.Филип Райевац, 86), 17.Ҳусниддин Ғофуров, 20.Ислом Тўхтахўжаев, 23.Йован Жокич, 24.Даврон Ҳошимов, 33.Олег Зотеев (88.Игорь Йелич, 68), 77.Диёр Туропов

Захира: 12.Маъмур Икромов, 19.Авазбек Ўлмасалиев, 70.Алишер Шоғуломов, 71.Арсланмират Амонов.

Бош мураббий: Андрей Фёдоров.

АГМК: 32.Суҳробжон Султонов, 4.Миржамол Қосимов (15.Жасур Ҳакимов, 62), 5.Дилшод Жўраев, 8.Санъат Шихов (36.Шаҳбоз Умаров, 79), 9.Зафар Полвонов, 19.Жасур Ҳасанов, 22.Миролюб Костич (6.Марко Зочевич, 39), 23.Акмал Шораҳмедов, 31.Сайдулло Раҳматов, 33.Сардор Раҳмонов, 44.Бобур Юлдошев.

Захира: 45.Акбар Тўраев, 11.Зоҳир Пиримов, 20.Мирғиёс Сулаймонов, 21.Ғулом Ҳайдар Ғуломов

Бош мураббий: Миржалол Қосимов.

Огоҳлантириш: Сайдулло Раҳматов 52

Ўзбекистон Суперкубоги-2021.

"Пахтакор" - "Насаф" - 1:0

Самарқанд. "Динамо" стадиони
Бош ҳакам: Вадим Агишев
Қанот ҳакамлари: Руслан Серазитдинов, Тимур Гайнулин
Захира ҳаками: Раҳимбек Каримов
Назоратчи: Бобур Ҳайдаров
Комиссар: Жаҳонгир Раҳматуллаев

Голлар: Драган Черан 50, - 1:0 (Фарруҳ Сайфиев).

"Пахтакор": 35.Санжар Қувватов, 3.Ҳожиакбар Алижонов, 5.Анзур Исмоилов, 7.Сардор Рашидов, 8.Азизбек Турғунбоев (18.Ҳожимат Эркинов, 90+4), 9.Эрен Дердийок (19.Шароф Муҳитдинов, 79), 10.Драган Черан, 15.Егор Кримец, 21.Аброрбек Исмоилов, 27.Сардор Собирхўжаев (17.Шерзод Темиров, 87), 34.Фарруҳ Сайфиев.
Захира: 44.Азизхон Исақов, 6.ИброҳимҲалил Йўлдошев, 14.Ҳумоюнмирзо Иминов, 23.Шерзод Аъзамов.

"Насаф": 35.Абдувоҳид Неъматов, 4.Ҳусниддин Алиқулов, 5.Ғолиб Ғайбуллаев (15.Жўрабек Маннонов, 60), 6.Муродбек Хўжамбердиев (50.Шохмалик Комилов, 78), 19.Ҳусайин Норчаев, 20.Суҳроб Нуруллоев (14.Шокир Йўлдошев, 46), 22.Акмал Мозговой, 34.Шерзод Насруллаев, 77.Ойбек Бозоров, 88.Марко Станоевич, 92.Умар Эшмуродов.
Захира: 1.Умиджон Эргашев, 13.Азамат Сойибов, 25.Муҳриддин Зоиров, 70.Абубакризо Турдалиев.

Огоҳлантиришлар: Суҳроб Нуруллоев 12, Ойбек Бозоров 16, Ҳусниддин Алиқулов 71.

Ўзбекистон Суперкубоги-2022.

"Пахтакор" – "Насаф" 1:0

Фарғона. Яйпан. "Ўзбекистон" стадиони. 7200 томошабин

Ҳакамлар: Акобирхўжа Шукуруллаев, Алишер Усмонов, Бахтиёрхўжа Шавкатов, Ғайрат Жўраев
Назоратчи: Бахтиёр Намазов
ВАР ҳаками: Аҳрол Рисқуллаев
ВАР ассистент: Рустам Лутфуллин
Комиссар: Жаҳонгир Раҳматуллаев

Гол: Драган Черан 61 - 1:0

"Пахтакор": Элдор Суюнов (Санжар Қувватов, 45), Ҳожиакбар Алижонов, Алексей Ларин, Камен Хаджиев, Фарруҳ Сайфиев, Одил Ҳамробеков, Икром Алибоев, Сардор Рашидов (Хожимат Эркинов, 81) Сардор Собирхўжаев (Оливер Шаркич, 81), Азиз Турғунбоев ( Жасур Ёқубов, 90+3), Драган Черан.

Захира: Руслан Розиев, Диёр Холматов, Аббос Эргашбоев, Аббос Файзуллаев, Миржаҳон Мираҳмадов.

"Насаф": Умид Эргашев, Дилшод Саитов, Ғолиб Ғайбуллаев, Умар Эшмуродов, Шерзод Насруллаев, Акмал Мозговой, Марко Станоевич (Баҳром Абдураҳимов, 80), Иван Соловьёв (Азиз Холмуродов, 80) Шароф Муҳидинов, Суҳроб Нуруллоев (Ҳусниддин Алиқулов, 87), Ҳусайн Норчаев.

Захира: Сойибов, Неъматов, Давронов, Раҳматов, Акрамов, Саъдуллаев,

Огоҳлантириш: Фарруҳ Сайфиев ("Пахтакор") 12, Марко Станоевич ("Насаф") 19, Азиз Турғунбоев ("Пахтакор") 49, Икром Алибоев ("Пахтакор") 53, Санжар Қувватов ("Пахтакор") 76, Драган Черан ("Пахтакор") 84, Одил Ҳамробеков ("Пахтакор") 86, Азиз Холмуродов ("Насаф") 90+3

Бўлажак тўқнашув

Битта учрашув орқали кубок соҳиби бўлиш имкониятини тақдим этадиган беллашувда кетма-кет икки йилдан буён, умумҳисобда ўзаро тўртинчи маротаба давра марказига чиқиб келаётган "Насаф" ва "Пахтакор" жамоалари кураш олиб боради. Яқин икки йилликда деярли бир хил спектакль такрорланди: Черан гол урди ва "Пахтакор" шоҳсупага чиқди. Жамоаларнинг мазкур мусобақадаги илк қарама-қаршилигида эса қаршиликлар сафидаги Артур Геворкян мазкур вазифани бажариб берганди.

Сербиялик "арслон" эртага турнирнинг яққол тўпурарига айланиши мумкин. У Леонид Кошелев, Андрей Акопянц ҳамда Темирхўжа Абдухолиқов билан биргаликда 2 та гол урган ҳолда тўпурарлар рейтингида етакчилик қилмоқда. Шунингдек, "Пахтакор" ҳам титуллар сони бўйича ўзи билан тенг кўрсаткичга эга "Локомотив"дан (иккаласида ҳам 2 тадан ғолиблик) ўзиб кетиб, турнирдаги энг совриндор жамоага айланиши мумкин. "Насаф" эса ягона ғалабасини юқорида таъкидлаганимиздек, "Пахтакор"га қарши баҳсда қайд этган. Дарвоқе, ўша ўйинни Шаҳбоз Беғамов матнли трансляция кўринишида шарҳлаб борган.

Суперкубокдаги ўзаро тўқнашувлар фақатгина таблодаги ҳисоб билан ёдда қолмаган. Миядаги флешкани титкилаб кўрса, эсда қоларли у-бу нарса чиқиб қолади. Масалан, 2021 йилги тўқнашув арафасида "Насаф" бош мураббийи Рўзиқул Бердиев фахрийлар мусобақасида жароҳат орттириб олган ва оёғини операция қилдирган. Шунга қарамасдан, у жамоаси билан бирга бўлиш учун Самарқандга ташриф буюрган. Ёмғрили об-ҳавода ўтган ўша беллашувда жамоалар майдонга саф тортишгани ҳам диққатимизни тортган. "Пахтакор" сафида деярли майдонга тушмасдан "соққани" қуртдай санаб кетган Эрин Дардийўқ (русчада Эрен Дердийок дейилади, лекин менга дарди йўқ маъқулроқ, дарди бўлмасин ҳам) клуб логотига бемалол оёқ қўйиб турган бир паллада "Насаф" футболчилари ҳурматга сазовор иш амалга оширишди.

Ўйиндан кейинги матбуот анжуманида ғалаба голи муаллифи Драган Черан барчасига Рўзиқул Бердиев "айбдор" эканлигини айтганди. "Насаф"дан эса Шуҳрат Тошпўлатов матбуот анжуманида иштирок этган.

2022 йилги Суперкубок аввалидаги матбуот анжуманида эса Рўзиқул Бердиев "Насаф"га Черанни қайтариш борасида ишлар амалга оширилгани, аммо клубнинг молиявий ҳолати бунга йўл қўймаслигини таъкидлаб ўтганди. "Пахаткор"нинг ўша вақтдаги устози Славче Войнески эса Англиядан келган Оливер Шаркични қайси позицияда ўйнай олишини ҳатто хотини ҳам билмаслигини айтганди. Ўша баҳсда пойтахтликлар посбони Элдор Суюнов жароҳат олганди, "шерлар" эса ўйин давомида кўп маротаба ҳакам томонидан либосида рангидаги карталар билан сийланган.

Суперлигадаги ҳолат

"Пахтакор" чемпионатда ўзи учун қадрдон бўлган ўринни бошқаларга раво кўришни истамаяпти. Бироқ жамоа ўйинларида барқарорлик етишмаяпти. "Шерлар" қўлга киритлган 12 ғалабанинг 8 тасида атиги битта тўп фарқи билан зафар қучган. Қолаверса, клуб кубок сари елтувчи поезддан бевақт тушиб қолди. "Насаф"нинг ишларини ҳам тўртта бармоқни букиб, бош бармоқни юқорига кўтарадиган даражада деб бўлмайди. Лотин Америкаси ҳужумчилари таркибда жам бўлганига қарамай, клубни ҳужумчими ёки ҳимоячими дея ҳамиша адаштирадиган ўйинчим — Ҳусниддин Алиқулов тарк этгач, "аждарлар"нинг оғзидан олов ўрнига йўтал чиқмоқда. Қаршиликлар чемпионат миқёсида сўнгги 5 ўйинда атиги бир маротаба рақибларни ўйинни майдон марказидан бошлашга мажбур қила олди. Шунга қарамай, бўлажак беллашув учун жамоалар алоҳида тайёргарлик кўриб, шпаргалкаларини столга кенг ёйишгани аниқ. Осмондаги ёмғирдан умидини узган томошабинлар голлар ёмғирини кутиши аниқ, бироқ, тахминимча, эртанги учрашувда ҳам жамоалар эҳтиёткорликка урғу беришади, шу боис туҳфалар сони кўп бўлмайди. Тезкор гол содир бўлиб, ўйин сценарийси ўзгариб кетмаса, агарда. Албатта, мазкур баҳс қайсидир мураббийнинг курсисини тебранишига олиб келиш мумкин, бу ҳам учрашувга бўлган диққатни ошишига сабаб бўлади. Драма шайдоларини Жиззахдаги ўйингоҳда бўлиб ўтадиган бир парда, икки ёки тўрт кўринишдан иборат спектаклга чорлаб қоламиз. Ундан кейинги кўринишлар эса сомса марказида давом этиши, шубҳасиз.

Концерт тамом, энди спектаклга навбат