Qura tashlash marosimida quyidagi 8ta terma jamoa ikkita guruhga ajratiladi:

Rossiya, Germaniya, Portugaliya, Avstraliya, Chili, Meksika, Yangi Zelandiya va 2017 yilgi Afrika millatlar kubogi sohibi.

Qura tashlash marosimida 2005 va 2009 yilgi Konfedaraciyalar kubogi g'olibi braziliyalik mashhur futbolchi Julio Baptista, engil atletika bo'yicha rossiyalik Olimpiada chempioni Elena Isinbaeva hamda besh karra Rossiya chempioni Sergey Semak ishtirok etishadi.

Qozondagi marosimga quyidagi murabbiylar tashrif buyurishadi: Ange Postekoglu (Avstraliya), Xuan Antonio Picci (Chili), Yoaxim Lev (Germaniya), Xuan Karlos Osorio (Meksika), Entoni Xadson (Yangi Zelandiya), Fernandu Santush (Portugaliya) va Stanislav Cherchesov (Rossiya).

Qura tashlash marosimi Qozon vaqti bilan soat 18:00da (Toshkent vaqti 20:00) boshlanadi va 40 daqiqa davom etadi. Tadbir boshlovchilari Yana Churikova hamda Andrey Malaxov bo'lishadi. Qura jarayonini FIFA bosh kotibi o'rinbosari Zvonimir Boban hamda FIFA musobaqalar o'tkazish departamenti direktori Kolin Smit o'tkazishadi.

Qura tashlash marosimini 249 nafar jurnalist Qozon Tennis akademiyasidan turib yoritib borishadi. Ulardan 154 nafari xalqaro OAV vakillari hisoblanadi. Marosimni dunyoning 150dan ortiq mamlakati tomosha qiladi. Tadbirni FIFAning youtube.com saytidagi rasmiy kanali orqali to'g'ridan-to'g'ri tomosha qilish mumkin.

2017 yilgi FIFA Konfederaciyalar kubogi 16 kun davom etadi va 16ta o'yindan iborat bo'ladi. Ochilish uchrashuvi 17 iyunda bo'lsa 2 iyul kuni chempion nomi malum bo'ladi.

Konfederaciyalar kubogi-2017. Bugun qura tashlanadi