Куннинг дастлабки ўйинида Боливия терма жамоаси Перу термаси билан баҳсга киришди. Беллашувда боливиялик ҳужумчи Марсело Моренонинг пенальтидан урган голига перуликлар Паоло Герреро (45), Жефферсон Фарфан (55) ҳамда Эдисон Флоресларнинг (90) голлари билан жавоб қайтарди.

Шу тариқа Перу термаси 2-тур гуруҳ баҳсларида Боливия устидан 3:1 ҳисобидаги ишончли ғалабани қўлга киритди ва муҳим 3 очкога эга бўлди. Ушбу ғалабадан сўнг Перу 4 очко тўплаб, гуруҳда 2-ўринда боряпти. Боливия эса 2 тур натижасига кўра бирорта ҳам очко йиға олмади ва жамоа сўнгги поғонани эгаллаб турибди.

Боливия—Перу 1:3

Голлар: 1:0 — 28, пенальти, Морено, 1:1 — 45 Герреро, 1:2 — 55 Фарфан, 1:3 — 90 Флорес

Боливия – Лампе, Бехарано, Акин, Джузино, Бехарано, Сааведра (Вака, 73), Хустиниано, Сауседо (Фернандес, 71), Чумасеро, Кастро (Альварес, 80), Морено.

Перу – Гальесе, Адвинкула, Самбрано (Араухо, 85), Абрам, Трауко, Тапия, Йотун, Поло, Фарфан, Куэва (Флорес, 79), Герреро (Гонсалес, 90).

Огоҳлантиришлар: Самбрано (27), Чумасеро (30), Герреро (42), Фернандес (72), Акин (82).

Мусобақа мезбони Бразилия термаси эса Венесуэлага қарши майдонга тушди. Ўйин давомида ҳисоб очилмади ва жамоалар 0:0 ҳисобида дуранг натижа қайд этди.

Мазкур турдан сўнг Бразилия очколари сонини 4 тага етказиб, «А» гуруҳида етакчилик қилмоқда. Венесуэла эса 2 очко билан 3-ўринни банд қилган.

Бразилия—Венесуэла 0:0

Бразилия – Алиссон, Тиаго Силва, Дани Алвес, Маркиньос, Филипе Луис, Каземиро (Фернандиньо, 57), Артур, Ришарлисон (Габриэл Жезус, 46), Коутиньо, Нерес (Эвертон, 72), Фирмино.

Венесуэла – Фариньес, Вильянуэва, Эрнандес, Росалес, Осорио, Морено, Мурильо, Эррера (Сотельдо, 66), Ринкон, Мачис (Фигера, 76), Рондон (Мартинес, 85).

Огоҳлантиришлар: Мурильо (37), Каземиро (41), Фигера (90).

Копа Америка-2019. Бразилия Венесуэла билан дуранг ўйнади, Перу эса Боливияни таслим қилди