Toshkent viloyati Chirchiq shahrida yashovchi fuqaro SH. shu yilning 30 mart kuni tez tibbiy yordam orqali og'ir ahvolda viloyat yuqumli kasalliklar shifoxonasiga yotqizilgan.

Unga barcha zarur muolajalar ko'rsatilgan. Shu yilning 31 mart kuni bemorga ixtisoslashgan tibbiy yordam ko'rsatish maqsadida respublika Epidemiologiya, mikrobiologiya va yuqumli kasalliklar ilmiy tekshirish instituti klinikasiga o'tkazilgan. Zudlik bilan amalga oshirilgan laborator tahlil natijasi unda koronavirus infekciyasi borligini tasdiqlagan.

40 yoshli bemor ushbu klinikaning reanimaciya bo'limida suniy nafas olish apparatida bo'lgan. Davolanish davrida tibbiyot fanlari doktori, professor A. Xadjibaev rahbarligida Sog'liqni saqlash vazirligi bosh pulmonologi, professor I. Liverko, etakchi reanimatologlar D. Sobirov va X. Sattarov ishtirokida videoaloqa orqali kerakli tavsiyalar berib borilgan.

Bundan tashqari, davolash standartlariga muvofiq, virusga qarshi, antibakterial, infuzion, mukolitik, simptomatik va respirator terapiya muolajalari ham olib borilgan.

Biroq qator soha mutaxassislarining o'tkazgan tezkor reanimacion muolajalariga qaramasdan kecha oqshom bemorning ahvoli keskin yomonlashgan. Etakchi reanimatolog va bosh torakal xirurg SH. Xudoybergenov boshchiligidagi mutaxassislardan kerakli tavsiyalar ham olingan. Berilgan tavsiyalarni to'liq bajarilishiga qaramasdan bemor SH.da yurak va o'pka etishmovchiligi sabab yurak faoliyati to'xtashi kuzatilgan.

Sog'liqni saqlash vazirligi
Jamoatchilik bilan aloqalar bo'limi.

Koronavirus Info. O'zbekistonda koronavirus infekciyasi bilan kasallangan 72 yoshli shaxs vafot etdi

Koronavirus Info. Bugun vafot etgan erkak kishi 39 yoshda edi (Batafsil malumot)

#uydaqoling

#vahimasizkarantin

Koronavirus Info. O'zbekistonda koronavirus infekciyasi tasdiqlangan uchinchi bemor vafot etdi