"Qiyin o'yin bo'ldi. Laos chuqur himoyalandi va bizga ancha noqulaylik tug'dirdi. Himoyani yorib o'tish esa hech qachon oson bo'lmagan. Shunga qaramay vaziyatlar yaratdik va g'alaba qozondik. Endi to'liq etiborni keyingi uchrashuvga qaratishimiz kerak" - deya fikr bildirdi Kotrina Kulbite Laosga qarshi o'yin haqida.

- O'tgan uchrashuv bilan solishtirganda bir nechta rotaciyalarga qo'l urildi. Tarkibdagi o'zgarishlarga nima sabab bo'ldi?

- Har bir uchrashuvda rotaciya qilib boramiz. Bu odatiy holat. O'yindan oldin hech narsani to'liq reja qilib bo'lmaydi. Biz g'alaba qozonishimiz kerak edi va shunga harakat qildik.

- Nepalga qarshi o'yinda g'alaba qozonishimiz uchun nimalar qilishimiz kerak deb o'ylaysiz? Raqib jamoaning kuchli jihatlariga to'xtalib o'tsangiz...

- Nepal bilan ochkolar va to'plar nisbati ham bir xil. Ikki jamoa ham g'alaba qozonishni xohlamoqda. Biz Nepalning birinchi turdagi o'yinini tahlil qilib chiqdik, unga qadar o'tkazilgan o'yinlarni ham. Nepal bizga qarshi boshqacha o'yin qilishi aniq. Men raqibdan o'rta chiziqdagi blok va qarshi hujumlarga asoslangan o'yinni kutmoqdaman. Sababi ularning tarkibida tezkor hujumchi bor. U qiz Franciyada o'ynaydi. Qanday o'yin bo'lishidan qati nazar, o'zimiz yaxshi o'yin namoyish etishimiz kerak.

Kotrina Kulbite: "Nepal bizga qarshi boshqacha o'yin qilishi aniq"