1 soatdan ko'proq vaqt mobaynida bir kishi kam bo'lib qolgan "Nasaf" poytaxtning "Paxtakor" klubi ustidan zafar quchdi (2:1). Mazkur uchrashuvga taalluqli qiziq faktlarni keltiramiz.

1. "Nasaf" o'z tarixida 2-bor O'zbekiston kubogini qo'lga kiritdi (birinchisi 2015 yil). Buning uchun "ajdarlar"ga 7 ta final kerak bo'ldi.

2. "Paxtakor" kubok finallarida o'ynash bo'yicha o'z rekordini yangiladi (17). "Sherlar" musobaqada zafar quchish bo'yicha ham mutlaq etakchi (13).

3. "Dinamo" stadioni 3-bor kubok finaliga mezbonlik qildi (1992 - "Navbahor", 2016 - "Lokomotiv", 2021 yilda "Nasaf"ning g'alabasi qayd etildi).

4. Bugungi raqiblar kubok finalida 3-bor to'qnash kelishdi. Oldingi 2 o'yinda (2003, 2011) poytaxt jamoasining qo'li baland kelgan edi.

5. Ro'ziqul Berdiev nihoyat Piter Xyuistrani mag'lub qildi. Buning uchun "Nasaf" ustoziga 4 ta o'yin kerak bo'ldi. Oldingi 3 ta bahsning barchasida niderlandiyalik mutaxassis zafar quchgan edi.

6. Ahrol Risqullaev kubok finalida ishlagan 17, cho'ntagidan qizil kartochkani chiqarishga jazm etgan 9-referiga aylandi.

7. Oybek Bozorov kubok finalida maydondan chetlatilgan "Nasaf" tarixidagi 1-o'yinchi.

8. "Paxtakor" bu yil Odil Hamrobekov gol urgan o'yinlarda mag'lubiyatga uchradi (2 o'yin).

9. Bahrom Abdurahimov gol urgan oxirgi 15 ta o'yinda uning jamoalari yutqazmayapti. Bunaqasi so'nggi bor 2017 yilning 4 iyulida sodir bo'lgan edi ("Bunyodkor" 3:2 "Nasaf").

10. G'olib G'aybullaev gol urgan so'nggi 4 o'yinning barchasi "ajdarlar"ning g'alabasi bilan tugadi.

11. "Nasaf" oxirgi 3 o'yinning barchasida 1 kishi kam bo'lib qoldi (AGMK bilan o'yinda Stanoevich, "Loko"ga qarshi bahsda Jo'rabek Mannonov maydondan chetlatilgandi).

O'zbekiston kubogi. "Nasaf" "Neftchi"ga etib oldi

Kubok finali haqida 11 fakt