"Барселона" ва Испания терма жамоасининг ёш иқтидори Ламин Ямал Бразилияда ўзининг кумири Неймар билан учрашди.

"Сантос"нинг 33 ёшли футболчиси Неймар ўзининг Instagram саҳифасида Ямалнинг қум устида тўп билан ўйнаётгани акс этган қисқа видеони жойлаштирди.

Олдинроқ 17 ёшли вингер Неймар кумири эканлигини айтганди. Ламин уни футбол афсонаси деб ҳам атаган.

Ламин Ямаль ўтган мавсум клуб ва терма жамоа сафида 62 ўйинда майдонга тушиб, 21 та гол урди ва 26 та голли пас узатди. У "Барселона" билан чемпионатда ғолиб чиқди, Кубок ва Испания Суперкубогини қўлга киритди, шунингдек, Испания терма жамоаси билан Миллатлар Лигаси финалига чиқди ва пенальтилар сериясига кўра Португалияга ютқазди.

Кумир билан учрашув: Ямаль Бразилияда Неймар билан бирга футбол ўйнади