Madridliklarning zaxira futbolchisi "Manchester Yunayted"ning taklifiga rad javobini bergan. Bundan tashqari, "Atletiko" ham braziliyalik futbolchi bilan xayrlashish niyatida emasligini malum qilgan.

"Yunayted" esa hujumchi uchun 50 million evro taklif qilishga tayyor edi, ammo ispan klubi tovon puli bandini faollashtirishni talab qildi, bu esa taklif qilingan mablag'dan ancha yuqori bo'lar edi.

Kunya La Liga 1-tur doirasidagi "Xetafe"ga qarshi o'yinda atigi 10 daqiqa to'p tepdi, ammo unga Luis Suaresdan qolgan 9-raqamning berilishi Diego Simeonening futbolchiga ishonishini bildiradi.

23 yoshli futbolchi "Atletiko"ga 2021 yilda "Gerta"dan 26 mln evro evaziga o'tgandi. Uning "matraschilar" bilan shartnomasi 2026 yilning iyuniga qadar mo'ljallangan.

Kunya "Manchester Yunayted"ga "yo'q" dedi