"Ливерпуль" собиқ бош мураббийи "Рома" клубини бошқариш ҳақидаги таклифга розилик берган. Бу ҳақда "La Stampa" нашри хабар берди. Манбанинг келтиришича, Клопп қарорни 18 май куни қабул қилган. Маълумотда Рим клуби ёзги трансфер ойнасида 6 нафар янги футболчи билан шартнома имзолаши ҳақида ҳам маълумот қўшиб кетилган.

"Рома" Италия А Серияси сўнгги тури олдидан 5-ўринда бормоқда ва охирги турда ЕЧЛга илиниш учун кураш олиб боради. Жамоанинг айни пайтдаги устози Клаудио Раньери мавсум якунига етгач жамоа бошқарувини тарк этади.

Клопп охирги жамоаси бўлмиш "Ливерпуль" билан АПЛ ва ЕЧЛ бош совринини боши узра баланд кўтарган. Тез орада Ўзбекистон миллий терма жамоаси сардори Элдор Шомуродовни Клопп қўлостида кўришимиз мумкин...

Италия чемпионати турнир жадвали ва тўпурарлар рўйхати >>> А СЕРИЯ

Юрген Клопп мураббийликка қайтмоқда, у Шомуродовга устоз бўлиши мумкин