- Uchrashuv haqida...

- Bugun biz o'z maqsadimizga erisha olmadik. O'yin kutganimizdan yuqori tempda o'tdi. Biz yaxshiroq natija kutgandik. O'ylaymanki, navbatdagi o'yinlarga yuqoriroq darajada tayyorgarlik ko'rib, yaxshiroq natija ko'rsatishga harakat qilamiz.

- KXDR bugun yaxshi harakat qildi deb hisoblaymiz. Jamoangiz ko'rsatgan o'yinga qanday baho berasiz?

- Barchaga malumki, futbolda doim ham o'zingiz istagan natijaga erisha olmaysiz. Bizning maqsadimiz - endi navbatdagi o'yinga asosiy etiborni qaratishdir.

- O'zbekistonning qaysi jihati KXDR terma jamoasiga halal berdi deb o'ylasiz?

- Futbolda asosan taktikalar, sxemalar muhim ahamiyatga ega. Jamoalar doim ham o'zlari kutgan natijaga erisha olmaydi. O'zbekistonning kuchli jihati haqida gapirishni istamayman. Ularga shunchaki keyingi o'yinlarda omad tilayman.

- Keyingi o'yin Qatarga qarshi bo'ladi. Ular O'zbekistonni ham mag'lub etishgan. Navbatdagi o'yin haqida nima deya olasiz?

- Aytib o'tganingizdek, Qatar kuchli jamoa va amaldagi Osiyo chempioni. Ular yaxshi tayyorgarlikka ega. Futbolda barcha narsa, siz kutmagan narsalar ham sodir bo'lishi mumkin. Biz Qatar bilan o'yinga yaxshi tayyorgarlik ko'rishimiz lozim va shu orqali biz yaxshi natijaga ega bo'lishimiz mumkin.

KXDR bosh murabbiyi: "Biz kutgan natija bo'lmadi"