"Барселона" - "Реал Сосьедад" 4:2
Голлар: 1:0 – 19 Пике, 2:0 – 45 Брэйтуэйт, 3:0 – 59 Брэйтуэйт, 3:1 – 82 Лобете, 3:2 – 85 Ойарсабаль, 4:2 – 90 Серджи Роберто.

"Барселона" – Нето, Дест (Эмерсон, 71), Пике, Эрик Гарсия (Араухо, 83), Альба, Бускетс (Нико Гонсалес, 83), де Йонг (Серджи Роберто, 71), Гризманн, Брэйтуэйт, Депай (Лангле, 90), Педри.

"Реал Сосьедад" – Ремиро, Сальдуа (Горосабель, 66), Элустондо (Пачеко, 81), Ле Норман, Муньос, Сильва (Баутиста, 46), Янузай (Барренечеа, 46), Мерино, Субименди, Порту (Лобете, 66), Ойарсабаль.

Огоҳлантиришлар: Субименди (37), Бускетс (57), Элустондо (61), Муньос (62), Ле Норман (78), Нико Гонсалес (84).

Испания чемпионати мусобақа жадвали ва тўпурарлар рўйхати

Ушбу саҳифада учрашувнинг матнли трансляциясини кузатиб боришингиз мумкин бўлди.

ЯНГИЛАШ

90+5-дақиқа. Бўлди, ҳакамнинг финал ҳуштаги чалинди ва чамаси 80 дақиқа тўлиқ устунлик қилган "Барселона" мавсумдаги биринчи ғалабасини қўлга киритди.

Тезкор ҳужумни Гризманн бошлаб берди, у тўпни ўнг қанотга Мартинга оширди, ўз навбатида бугун зўр ўйин ўтказган даниялик ҳужумчи ҳам қизғанмади ва Серхи Роберто бўш қолган дарвозага тўпни жойлаб қўйди.

90+1-дақиқа. ГОООООЛ! Захирадан ўйинга қўшилган Серхи Роберто ўйинга нуқта қўймоқда. Мартин Бретвейтдан голли узатма!

90-дақиқа. Ўйиннинг асосий вақтига 5 дақиқа қўшиб берилди.

Сўнгги дақиқалар янада шиддатли бўлади чоғи.

85-дақиқа. ГОООООЛ! "Реал Сосьедад"нинг голи урилган вазиятдан кадрлар қидириб, топгунимизгача Микель Оярсабаль жарима зарбасидан яна бир гол уриб, орадаги фарқни минимал кўринишга олиб келди.

82-дақиқа. ГОООООЛ! Хулен Лобете дебют ўйинида ҳисобига гол ёздириб қўйди - 3:1.

81-дақиқа. Антуан Гризманн бугун нафақат ҳужумда балки ҳимояланишда ҳам анча фаол ва фойдали ҳаракат қилмоқда. Ҳозир ҳам у тўпни рақибидан олиб қўйди.

79-дақиқа. Тўп учун курашда мезбонларнинг "қўли баланд" келди.

78-дақиқа. Яна Депайга нисбатан қўполлик ишлатилди. Бу сафар Ле Норман рақибини аяб ўтирмади. Мемфис маълум вақт оғриқ сабаб майдонда ётди ва амаллаб ўрнидан турди.

Ўйин давом этади.

75-дақиқа. Яна сув ичиб олиш учун танаффус!

72-дақиқа. Ҳозиргина ўйинга қўшилган Эмерсон қанотда фаоллик кўрсатишни бошлаб юборди.

71-дақиқа. Ўзгариш! Сержиньо Дест ўрнига Эмерсон, Де Йонг ўрнига Серхи Роберто ўйинга қўшилди.

66-дақиқа. "Реал Сосьедад" тезкор қарши ҳужумга қочиб кетиши мумкин эди, лекин "Барселона"нинг бир йўла 5 нафар футболчиси тезкорлик билан ортга қайтиб улгурди.

64-дақиқа. "Барса"нинг навбатдаги бурчак зарбасини рақиб ҳимоячилари қайтаришга муваффақ бўлди.

62-дақиқа. "Барселона" тўпни назорат қилиб, рақибнинг шаштини тушириш ниятидадек.

59-дақиқа. ГОООООЛ! Мартиндан дубль! Депай ва Альба қанотда рақиб ҳимоясини доғда қолдиришди, ҳимоячи зарба йўллади, дарвозабондан қайтган тўпни эса Бретвейт тўрга йўллади.

50-дақиқа. Иккинчи бўлимда ўйин темпи анча ошди. Ҳар икки жамоа тезроқ ҳужумга ўтишмоқда, лекин охирги узатма ёки зарба берадиган футболчи етишмай қоляпти.

47-дақиқа. ~~ГОООООЛ!~~ Гризманн қулай нутқага чиқиб борди, зарба берди ва дарвозабонга тегиб, тўп дарвозадан жой олди, аммо ҳакам ўйиндан ташқари ҳолатни қайд этди.

46-дақиқа. Иккинчи бўлим бошланди!

Шу тариқа, ўйин борасида устунликка эга бўлган "Барса" ҳозирча 2:0 ҳисобида олдинда. Танаффус!

45+2-дақиқа. ГОООООЛ! Мартин Бретвейт танаффус олдидан орадаги фарқни иккитага оширди.

45+1-дақиқа. Бурчак зарбасидан наф чиқара олмади.

Бўлимнинг асосий вақтига 2 дақиқа қўшиб берилди.

45-дақиқа. Биринчи бўлимга 2 дақиқа қўшиб берилди.

41-дақиқа. "Реал Сосьедад"нинг бурчак зарбаси "Барселона"нинг хавфли ҳужумига айланиб кетиши мумкин эди, лекин охирги ҳимоячи 3 нафар рақиби тўп билан дарвоза томон ўтиб кетишига йўл қўймади.

40-дақиқа. Меҳмонларнинг тезкор қарши ҳужуми бурчак зарбаси билан якунланди.

37-дақиқа. Янузайга йўлланган тўпни Альба илиб кетди ва боши билан дарвозабонга ташлаб берди

35-дақиқа. Майда фоллар кўпаяётгандек. Ҳар икки жамоа аъзолари рақибни тўхтатиш учун тортинмай қоидани бузишмоқда.

33-дақиқа. Янузай ўнг қанотдан жарима майдонига ёриб киришни ният қилганди, аммо тўп ундан қочиб кетди.

32-дақиқа. Ўйин давом этади.

Сув ичиб олиш учун танаффус!

30-дақиқа. Хорди Альба Портунинг зарбаси йўлига тўғаноқ бўлди ва дарвозабонга иш қолдирмади.

29-дақиқа. Асосий таркиб аъзосига айланиши кутилаётган Эрик Гарсия хавфни бартараф этиб, тўпни майдондан чиқариб юборди.

27-дақиқа. Мемфисдан яна бир кутилмаган қарор. Ҳужумчи тўпни қабул қилгани заҳоти, айланиб дарвозани нишонга олди, кипер олдинга чиқиб кетган бўлсада, ортга қайтишга улгурди.

24-дақиқа. Ажойиб ҳужум! Де Йонг, Бретвейт ва Депай ижросида жуда чиройли ҳужум гувоҳига айландик, якуний зарбани голландиялик берди, аммо дарвозабон ҳам ўз ўрнида.

23-дақиқа. Меҳмонлар вакили майдон марказидан тўпни дарвозабон томон йўллади, унинг бахтига Ремиро тўпни майдонда сақлаб қола олди.

21-дақиқа. Бретвейтга нисбатан қоида бузилганди, аммо ҳакам негадир бунга эътибор қаратгиси келмади.

19-дақиқа. ГООООООЛ! Депайнинг узатмасидан Пике ҳисобни очди! Бу вазиятда жарима зарбасини амалга оширган Мемфис ҳам, унга етиб борган Пике ҳам яхши ўйнади.

18-дақиқа. Марказга яқинроқ нуқтада "Барселона" футболчисига нисбатан қоида бузилди ва жарима зарбаси белгиланди.

Қоида бузиш бўйича кўрсаткич 2:4.

14-дақиқа. Сержиньо Дест Гризманн билан биргаликда рақибларни чалғитиб, жарима майдонига кириб борди, аммо охирги ҳимоячи тўпни олиб қўйди.

12-дақиқа. Хавли вазият! Яна бурчак зарбасидан кейин хавфли вазият юзага келди. Антуаннинг уринишидан кейин дарвоза тўсини меҳмонларни қутқариб қолди.

10-дақиқа бўлгани учун трибуналар реакция кўрсатишмоқда, улар ҳамон Месси йўқлигига ишона олмаяпти.

10-дақиқа. Хавли вазият! Бурчак зарбаси тезда ўйнаб кетилди ва Альбанинг узатмасидан кейин Гризманн чалқанча услубда зарба йўллай олди, аммо бирозгина ноаниқ.

9-дақиқа. Ле Норман кутилмганда тўпни дарвозабонга ташлаб бераётганда хатога йўл қўйди, бурчак зарбаси.

6-дақиқа. Депай анча фаол. Ҳозир у чап қанотдан жарима майдонига ёриб кирмоқчи бўлди, аммо ҳимоячи бунга йўл қўймади.

3-дақиқа. Майдон марказида устунлик учун кураш.

Илк сониялардан "Барселона" ҳужумга ташланди ва рақиб дарвозабонини безовта қилишни бошлади.

1-дақиқа. Учрашув бошланди.

Барселона – Нето, Дест, Пике, Эрик Гарсия, Альба, Бускетс, де Йонг, Гризманн, Брэйтуэйт, Депай, Педри.
Реал Сосьедад – Ремиро, Сальдуа, Элустондо, Ле Норман, Муньос, Янузай, Мерино, Субименди, Сильва, Порту, Ойарсабаль

Ла Лига. "Қирол Брэйтуэйт"нинг дубли "Барселона"га ғалабани тақдим этди