"Real Madrid" – "Atletiko" 2:0
"Santyago Bernabeu" stadioni
Gollar: 1:0 – 16 Benzema, 2:0 – 57 Asensio.

"Real Madrid" – Kurtua, Karvaxal (Nacho, 81), Alaba, Militao, Mendi, Modrich, Kroos, Kazemiro, Benzema (Yovich, 46), Asensio (Valverde, 85), Vinisius Junior (Rodrigo, 87).

"Atletiko" – Oblak, Kondogbia, Felipe, Ermoso, Karrasko (Lemar, 46), Koke, de Paul (Errera, 69), Lorente, Korrea (Suares, 60), Grizmann (Joau Feliks, 46), Mateus Kunya (Lodi, 60).

Ogohlantirishlar: Felipe (36), Mendi (45), Kondogbia (75), Alaba (88), Suares (88).

La Liga musobaqa jadvali va to'purarlari ro'yxati bilan tanishing.

Ushbu sahifada uchrashuvning matnli translyaciyasini kuzatib borishingiz mumkin bo'ldi.

YANGILASH

90+2-daqiqa. Qanotdan uzatilgan to'pga Feliks kuchli zarba bera oldi va to'p to'g'ri borib Kurtuaning yuziga tegdi.

90+1-daqiqa. Kondogbianing uzatmasidan keyin Joao Feliks to'pni to'xtatib qololmadi.

90-daqiqa. O'yinning asosiy vaqtiga 3 daqiqa qo'shib berildi.

88-daqiqa. Ogohlantirishlar! O'zaro tortishib qolgani sabab Alaba va Suaresga sariq kartochka ko'rsatildi.

87-daqiqa. O'zgarish! Vinsius o'rniga Rodrigo.

85-daqiqa. O'zgarish! Asensio o'rniga Valverde maydonga tushirildi.

Endi Kazemiro bu ishni bajardi. "Atletiko" burchak zarbasi bo'yicha oldinga chiqib oldi.

83-daqiqa. "Atletiko Madrid" yana burchak to'pini o'yinga kiritadi. Uzatmadan keyin Nacho to'pni kelgan tomoniga chiqarib yubordi.

81-daqiqa. O'zgarish! Dani Karvaxal o'rniga Nacho o'yinga qo'shildi.

81-daqiqa. Vinsius to'pni yo'qotgan edi, qaridi deyilgan Modrich darhol to'pni olib qo'ydi va unga nisbatan raqib qo'pollik ishlatishdan boshqa chora topa olmadi.

78-daqiqa. Ferlan Mendining uzatmasidan keyin Vinsius hisobni yirik ko'rinishga olib kelishi mumkin edi, ammo to'pga eta olmadi.

75-daqiqa. Ogohlantirish! Joffrey Kondogbia Kazemiroga nisbatan qo'polligi uchun sariq kartochka ishlab oldi.

So'nggi yillarda shahsan men bunaqasini ko'rmagandim. Nahotki, "Atletiko" ortiqcha qarshiliksiz, osongina taslim bo'lsa.

70-daqiqa. "Real" shunchaki to'pni raqibga bermay, daqiqalarni o'tkazmoqda.

69-daqiqa. O'zgarish! Rodrigo De Paul o'rnini Ektor Erreraga bo'shatib berdi.

68-daqiqa. Militao va Alaba kutilmaganda Suaresga imkoniyat yaratib berishdi, lekin urugvaylik buni kutmagani sabab to'pni o'ziga to'g'rilay olmadi.

67-daqiqa. Luka Yovichning biroz omadi chopmadi, aks holda u darvozabon bilan yakkama-yakka holatga chiqib borardi.

62-daqiqa. Mezbonlar butun maydon bo'ylab juda erkin harakat qilishmoqda.

60-daqiqa. O'zgarishlar! Luis Suares jangga tashlandi. U Anxel Korrea o'rnini egalladi. Renan Lodi esa Mateus Kunyani alishtirdi.

58-daqiqa. GOOOOOOOL! Marko Asensio aylanma zarbasi bilan tezkor qarshi hujumni chiroyli yakunlab berdi. Juniordan yana bir assist.

54-daqiqa. Joao Feliks jon holatda baqirib maydonga quladi, hakam Militao to'pga o'ynadi deb hisobladi.

53-daqiqa. "Real" to'pni nazorat qilib, raqibga ortiqcha imkon qoldirmaslikka urinmoqda.

50-daqiqa. Joao Feliks qulay nuqtadan erkin zarba yo'lladi, Kurtua o'z o'rnida.

48-daqiqa. "Real"ning yaxshi hujumini yakunlovchi zarba topilmadi.

46-daqiqa. Mateus Kunya Kazemiroga nisbatan qo'pol o'ynadi.

O'zgarishlar! "Atletiko"da esa Antuan Grizmann va Karrasko o'rniga Toma Lemar hamda Joao Feliks o'yinga qo'shildi.

O'zgarish! Tanaffusdan Karim Benzema qaytmadi, uning o'rnini Luka Yovich egalladi.

Bo'ldi, bo'lim yakuniga etdi. Jamoalar tanaffusga yo'l olishmoqda, biz ham biroz dam olamiz.

45+1-daqiqa. Ogohlantirish! Ferlan Mendi qo'li bilan Anxel Korreaga nisbatan qo'pol o'ynagani uchun ogohlantirildi.

45-daqiqa. Birinchi bo'limning asosiy vaqtiga 1 daqiqa qo'shib berildi.

44-daqiqa. Militao to'p uchun kurashda ishonchli harakat qilib, Grizmanndan ustun keldi.

43-daqiqa. Markos Lorente to'pga etolmagach, o'yin qoidasini buzishga majbur bo'ldi.

42-daqiqa. Modrich aqlli fol ishlatdi... Bu harakati bilan u raqibning ehtimoliy xavfli hujumini qaytarib qoldi.

40-daqiqa. "Atletiko" futbolchisi to'pni yon chiziqdan o'yinga kiritadi.

38-daqiqa. Mendi-Kazemiro-Vinisius kombinaciyasini braziliyalik vinger gol bilan yakunlashiga Oblak yo'l qo'ymadi.

36-daqiqa. Ogohlantirish! Felipe bir vaziyatning o'zida ikki raqibini maydonga qulatdi va sariq kartochka oldi.

Grizmanning ajoyib zarbasidan keyin Kurtuadan undanda chiroyliroq seyv.

34-daqiqa. Modrich jarima maydonchasi oldida Kunyaga nisbatan qo'pol o'ynab yubordi.

32-daqiqa. Futbolchilar biroz keskinroq o'ynashni boshlashdi. Qo'polliklar ko'paymoqda.

Franciyalik futbolchi yordamga muxtoj bo'lib yotibdi.

29-daqiqa. Karvaxal to'p o'rniga Grizmanning oyog'ini bosib olgani takroriy lavhada ko'rindi, lekin to'p "Atletiko"da qolgani sabab hakam o'yinni davom ettirishni so'radi.

27-daqiqa. "Real" raqibning navbatdagi urinishini osonlik bilan yo'qqa chiqarmoqda.

25-daqiqa. Imkoniyat bo'lib qolganidan foydalangan Militao chap oyoqda kuchli zarba yo'lladi, lekin to'p darvozadan ancha yuqorilab o'tib ketdi.

25-daqiqa. Dastlabki 25 daqiqadan shuni xulosa qilish mumkinki, "Atletiko" kuchli pressing evaziga nimadirga erishish niyatida, "Real"da esa o'z navbatida qanot futbolchilari Vinisius va Marko Asensio bazi vaziyatlarda ikkalasi bir qanotda paydo bo'lib nimalardir qilib tashlamoqda.

24-daqiqa. "Real" yana to'p bilan raqib jarima maydoni yaqinida.

22-daqiqa. Toni Kroosning uzatmasi noaniq ketdi.

20-daqiqa. Benzema vaqtida himoyachilarga yordamga keldi va to'p olib qo'yildi.

19-daqiqa. Mehmonlar vakili o'yindan tashqari holatda.

18-daqiqa. Endi o'yin yanada qiziqarli ruhda o'tishi turgan gap. Sababi gol o'tkazib yuborgan "Atletiko" endi himoyada ortiqcha "yopilib olmaydi".

16-daqiqa. GOOOOOOOL! Karim Benzema Vinisiusning uzatmasidan keyin hisobni ochmoqda! Juda chiroyli gol urildi.

15-daqiqa. Kazemiro uzoq masofaga uzatma bilan Benzemani qulay nuqtaga chiqarishga urinib ko'rdi.

14-daqiqa. Uzoq davom etgan hujum burchak zarbasi bilan davom etadigandek edi, ammo hakam to'p oxirgi bo'lib Vinisiusning oyog'iga tekkanini takidladi.

13-daqiqa. Modrich to'pni yo'qotdi, lekin mehmonlar ham ko'ngildagidek hujum uyushtira olmadi.

11-daqiqa. Mezbonlar o'yindagi ilk burchak zarbasini amalga oshirishadi. Toni Kroosning uzatmasidan Militao yanada uzoqroqqa o'tkazib yuborgan to'pga zarba beradigan futbolchi topilmadi.

10-daqiqa. Vinisius Junior bugungi o'yinda birinchi marta qanotdan oldinga o'tdi, bir raqibini aldadiyu, keiyn to'xtashga qaror qildi.

9-daqiqa. "Atletiko"ning yana bir urinishi oxiriga etmay qoldi.

7-daqiqa. David Alaba to'p uchun kurashda Korreaga nisbatan qo'pol o'ynadi deb topdi hakam.

6-daqiqa. Ferlan Mendi bu safar Markos Lorentega umuman imkon qoldirmadi va qo'shimchasiga to'pni "Atletiko" futbolchisiga tegib, maydonni tark etishini taminladi.

4-daqiqa. "Real"ning hujumi oxiriga etmay qoldi. Javob hujumida esa Kunya to'pni Karvaxaldan olib qo'yib, zarba yo'lladi, ammo noaniq.

2-daqiqa. Lorente qanotdan uzatmani amalga oshirdi, lekin Kunya to'pga eta olmadi.

1-daqiqa. O'yin boshlandi! Va u qoida buzilishidan boshlandi. Anxel Korrea to'p o'rniga Kroosni tepib o'tib ketdi.

Bellashuv boshlanishidan avval Vinisiusga "Oyning eng yaxshi futbolchisi" uchun atalgan sovrin topshirildi.

La Liga. "Real" Madrid derbisida ishonchli g'alabani qo'lga kiritdi. Benzema va Asensiodan gol, Vinnida ikkita assist