"Реал" — "Барселона" 0:4

Голлар: 0:1 – 54 Левандовски, 0:2 – 56 Левандовски, 0:3 – 77 Ямаль, 0:4 – 84 Рафинья.

Реал Мадрид – Лунин, Менди (Фран Гарсия, 86), Рюдигер, Милитао, Васкес, Камавинга (Браим Диас, 77), Тчуамени (Модрич, 63), Вальверде, Беллингем, Винисиус Жуниор, Мбаппе.

Барселона – Пенья, Бальде, Мартинес, Кубарси, Кунде, Педри (Гави, 87), Касадо (Ольмо, 65), Лопес (де Йонг, 46), Рафинья, Ямаль, Левандовски.

Огоҳлантиришлар: Касадо (44), Кунде (69), Мартинес (75), Винисиус Жуниор (80), Пенья (82), Милитао (87), Гави (90).

МАТНЛИ ТРАНСЛЯЦИЯ

ЯНГИЛАШ

Офсайдлар: 12-1.

90. Иккинчи бўлимга 2 дақиқа қўшиб берилди.

87. Милитао қўполлик учун огоҳлантирилди.

84. ГОЛ! Рафинья Лунин усидан тўпни ошириб қўйиб, ҳисобни янада йирик кўринишга келтирди!

84. Вальвердининг зарбасини Пенья эгаллаб олди.

82. Винисиус бир неча футболчини алдаб ўтди, аммо зарба беришга уриниш чоғида Мартинеснинг оёғини тепиб юборди.

80. Винисиус қўполлик ва ҳакамга эътирози учун огоҳлантирилди.

77. ГОЛ! Ямаль ўнг оёқда ҳисобни йирик кўринишга келтирди!

75. Милитаога нисбатан қўпол ўйнаган Мартинес огоҳлантирилди.

71. Зарба! Мбаппенинг навбатдаги зарбасини Пенья қайтарди.

70. "Қовун тушириш" навбати Беллингемга келди. "Реал" ярим ҳимоячисини станедартдан узатилган тўпни яқин масофадан дарвозага тўғрилаб қўя олмади.

69. Винисиусни тўхтатиб қолган Кунде огоҳлантирилди.

69. Лева!!! Польшалик ҳужумчи яна бир ўта қулай вазиятни кўкка совурди.

66. Хавфли вазият! Левандовски жарима майдонида бўш қолган дарвозани ишғол қила олмади.

66. Мбаппе гол урди, аммо у яна ўйиндан ташқари ҳолатда қолиб кетди.

64. Хавфли вазият! Мбаппе бирга-бир вазиятдан фойдалана олмади, Пенья тўпни қайтарди!

61. Мбаппенинг зарбасини Пенья эгаллаб олди.

56. ГОЛ! Левандовски икки дақиқа ичида дублга эришди! Чап қанотдан узатилган тўпга "Барселона" ҳужумчиси бош билан аниқ зарба йўллади!

54. ГОЛ! Левандовски ҳисобни очди! Польшалик ҳужумчи Касадонинг ажойиб пасидан сўнг рақиб посбони билан бирга-бир вазиятдан унумли фойдаланди.

52. Бурчак узатмаси чоғида "Реал" футболчилари рақиб жарима майдонида йиқилди, бироқ ўйин қоидаси бузилмаганди.

48. Мбаппе рақиб жарима майдони ичида "Барселона" футболчисини алдаб ўтишга уриниб кўрди, аммо бунга эриша олмади. Бурчак зарбаси.

46. Иккинчи бўлим бошланди.

Тайм якунланди.

45. Биринчи бўлимга 2 дақиқа қўшиб берилди.

43. Касадо Винисиусни тўхтатиб қолгани учун огоҳлантирилди.

39. Зарба! Левандовски рақиб жарима майдонида хавфли зарба йўллади, бироз ноаниқ. Шунингдек, польшалик ҳужумчи офсайдда қолган экан.

37. Ямалнинг чап оёқда йўллаган зарбаси кўнгилдагидек чиқмади.

30. Мбаппе ҳисобни очди, аммо унинг голи офсайд сабабли инобатга олинмади.

27. Лунин ўз вақтида тўпга чиқиб, Рафиньяга имкон қолдирмади.

22. Хавфли вазият! Винисиуснинг жарима майдонига кириб бориб, ўз услубида зарба берди. Тўп дарвоза устуни ёнгинасидан ўтиб кетди.

21. Офсайдлар борасида кўрсаткич: 4-0 га етди.

19. Мбаппенинг пасидан сўнг Винисиус яқин масофадан аниқ зарба йўллай олмади. Устига-устак мадридликлар офсайдда қолиб кетган экан.

15. Хавфли вазият! Мбаппенинг пасидан сўнг Беллингем яқин масофадан зарба йўллади, Пенья қийинчилик билан тўпни дарвозага киришига йўл қўймади.

12. Хавфли вазият! Кубарси Мбаппега тўпни совға қилди. Унинг тўпни рақиб посбони устидан ошириш варианти муваффақиятсиз чиқди.

9. Ямалнинг жарима майдонига узатгани тўпини Лунин бартараф этди.

5. Мезбонларнинг кетма-кет бурчак зарбалари хавфли кўриниш олмади.

2. Хавфли вазият! Мбаппе рақиб посбони билан бирга-бир вазиятда дарвозага аниқ зарба йўллай олмади. Унинг устига футболчи ўйиндан ташқари ҳолатда қолиб кетганди.

1. Ўйин бошланди.

Ла Лига. "Барселона" сафарда "Реал Мадрид" дарвозасига жавобсиз тўртта тўп киритди