“Италияда фақат 4 та клуб ҳали ҳам маълум оилаларга тегишли: “Удинезе”, “Аталанта”, “Лацио” ҳамда “Наполи”. Мен айнан шундай ёндашув тарафдориман, чунки трансмиллий корпорациялар соф тижорат манфаатларини кўзлайди, бунинг натижасида эса футбол завқи, иштиёқ, мазкур спортга бўлган муҳаббат йўқолади. Бу тузилмалар маълум алгоритмлар бўйича ишлайди ва уларга клуб тарихи ёки шаҳри қизиқ эмас.
Бугунги кунда “Ювентус”, “Милан”, “Рома” ва “Интер” шу қатордаги клублар, улар техник жиҳатдан банкрот бўлган, аммо улар қўллаб-қувватланмоқда, чунки тизим улар учун керак. Бизда келажак ҳақида ўйлайдиган клублар кўпроқ бўлиши муҳим”, дея қайд этган Таре.

Эслатиб ўтамиз, 49 ёшли Таре 2005-2008 йилларда “Лацио” шарафини ҳимоя қилган. Албания ТЖ собиқ форварди 2009 йилдан бери римликлар структурасида фаолият олиб бормоқда.

“Лацио” директори: “Ювентус”, “Милан”, “Рома” ҳамда “Интер” – техник жиҳатдан банкрот клублар”