Birinchi taymda Garet Beylning to'p uzatishidan keyin Karim Benzema hisobni ochdi - 0:1.

Ikkinchi bo'lim boshida Luka Modrich qizil kartochka olib maydonni tark etgach ko'pchilikda Madrid klubining g'alabasiga shubha paydo bo'ldi. Biroq ko'p o'tmy Toni Kroos ajoyib zarbasi bilan ikkinchi bor mezbonlarni ranjitdi - 0:2.

Uchrashuv tugashi 10 daqiqa qolganida zaxiradan maydonga tushgan Lukas Vaskes o'z nomini tabloga yozdirib qo'ydi - 0:3. Mana shu uchta golga "Selta" faqat bir bor javob qaytara oldi xolos - 1:3.

Zinedin Zidan boshchiligidagi "Real" mavsumni g'alaba bilan boshladi. Ushbu o'yindagi barcha gollarni saytimizning telegramdagi rasmiy kanalida tomosha qilish mumkin: TELEGRAMGA O'TISH

Ispaniya chempionati
1-tur
Selta – Real Madrid 1:3 (0:1, 1:2)
17 avgust, 20.00, Balaydos
Gollar: 0:1 – 12 Benzema, 0:2 – 61 Kroos, 0:3 – 80 Vaskes, 1:3 – 90 Losada.
Selta – Ruben Blanko, Olasa, Vaskes, Kostas, Arauxo, Denis Suares, Mendes, Lobotka (Sisto, 75), Beltran (Diop, 83), Fernandes (Losada, 88), Aspas.
Real Madrid – Kurtua, Odriosola, Varan, Ramos, Marselo, Modrich, Kazemiro, Vinisius Junior (Vaskes, 69), Kroos, Beyl (Isko, 75), Benzema (Yovich, 81).
Ogohlantirishlar: Vaskes (7), Ruben Blanko (12), Aspas (12), Vinisius Junior (36), Fernandes (49), Odriosola (64), Kostas (74).
Chetlatish: Modrich (56).

LaLiga. "Real" mavsumni g'alaba bilan boshladi, Modrich "qizil" oldi