"Барселона" президенти Жоан Лапорта "Реал"нинг "Олтин тўп"ни бойкот қилиши ҳақида фикр билдирди.

"Реал Мадрид" ўтган йилгидек, Париждаги маросимга келмади. Ўшанда "Олтин тўп" Винисиус Жуниорга берилмаслиги маросим куни маълум бўлганди. Бу йилги мукофотни ПСЖ футболчиси Усман Дембеле қўлга киритди.

- "Реал"нинг бу позицияси ҳақида нима дейсиз?

- Улар хоҳлаган нарсасини қилаверишсин. Биз "Барселона" ҳақида қайғурамиз. Мукофотга номзодлар ва ташкилотчиларга ҳурмат юзасидан маросимларда қатнашамиз.

Биз спортни шундай тушунамиз. Ғалаба қозониш ҳам, мағлубиятга учраш ҳам мумкин. Ютқазишни билиш керак. Бахтимизга, кўп ғалаба қозониб, кам мағлубиятга учраяпмиз, - деди "Барса" президенти Лапорта.

Лапорта "Реал"нинг "Олтин тўп"ни бойкот қилиши ҳақида: "Спортда ютқазишни ҳам билиш керак"