"Интер" ҳужумчиси "Барселона"га қарши илк ўйиннинг биринчи бўлимида жароҳат орттириб олган ва иккинчи бўлимда майдонга тушмаганди.
Бугун аниқланишича, футболчининг чап болдири мушакларида жароҳат кузатилган. Аввалига футболчининг 2-3 ҳафтага сафдан чиққани ёзилганди. Бугун "Sky Sport Italia" ёзган маълумотига кўра, футболчи 7-10 кунни ўтказиб юборади. Унинг "Барселона"га қарши жавоб ўйинида қайдномага киритилиши учун имконият бор.
Жавоб ўйини 6 майдан 7 майга ўтар кечаси ўтказилади.
