Lazizbek Mirzaevga Ispaniyaning qaysi klubi qiziqayotgani malum

Narzulla Saydullayev
20 mar 2024
O'zbekiston o'smirlar terma jamoasi sardori Lazizbek Mirzaev ayni paytda Ispaniyada ekani haqida xabar bergandik.

Mirzaevga Ispaniyaning "Leganes" klubi qiziqmoqda. Ayni paytda Segundada ishtirok etayotgan klub musobaqa jadvalida 1-o'rinda bormoqda va yangi mavsum La ligaga qaytishga yaqin turibdi.

1928 yilda tashkil etilgan "Leganes"ni ayni paytda ispaniyalik murabbiy Borxa Ximenes boshqarib bormoqda. O'z uy o'yinlarini Leganesdagi 12454 tomoshabinga mo'ljallangan "Estadio Municipal Butarque" stadionida o'tkazadi. Klub 4 mavsum (2016-2020 yillar) La ligada ishtirok etgan va Segundaga tushib ketgan.

Eslatib o'tamiz, Mirzaev ayni paytda klub bilan tanishmoqda va turli testlardan o'tmoqda. Agar "Leganes"ni barchasi qoniqtirsa Lazizbek 18 yoshga to'lganidan keyingina (2024 yil, oktyabr oyida) bu jamoa bilan shartnoma tuzishi mumkin bo'ladi.

Malumot uchun, Lazizbek Mirzaev ham Abduqodir Husanovning agentligi bo'lgan "Football Group" bilan hamkorlik qiladi.


Narzulla SaydullayevMaqola muallifi
Muqova: championat.asia

Izohlar

Bekzod Sharipov
20 mar 2024
Segunda da o'ynasa ham o'tish imkoni tug'ilsa o'tib ketsin. Bizni chempionatda rivojlanmay qotib qoladi ko'p yoshlarimiz. (Hozircha)
Kamoliddin Inamov
20 mar 2024
BO'LAVERADI HOZIRCHA ZATO ISPANIYA LA LIGA
Tiki taka
20 mar 2024
Қизиқаётгани йўқ агентлар кўрикка олиб кетган кулубга мақул келса текинга ўтади
Burhonbek Abdumo'minov
20 mar 2024
Oʻzi Leganes yoqardi manga Ispan klublaridan)))
bekaka
20 mar 2024
Бу ёшига яхши зур вариант йиллари очилиб кетсин омад! Испанияда хам узбек футболчиси уйнаши кк