PFL Superligada 12ta jamoa ishtirok etishini malum qilgani bilan haliyam barcha jamoalarni to'liq bilmaymiz. Chunki musobaqa o'tkazuvchi tashkilot falon-falon jamoa rasman Superligada o'ynaydi deb yakuniy qaror qilgani yo'q. Balki PFL o'zi uchun aniqlab olgandir, lekin ommaga elon qilmaguncha baribir taxmin va farazlar ko'payaveradi.

Shunga qaramay, PFL 2018 yilgi musobaqalar uchun Reglamentni ishlab chiqdi. Reglamentda yangilik ko'p va bu haqda chempionat boshlanishiga yaqin qolganda batafsil to'xtalamiz. Eshitimizcha, bu yil Superliga mart oyining boshidan boshlanar ekan. Shu o'rinda Reglamentdagi legionerlar limiti bo'yicha yangilikka to'xtalishni lozim topdik. Negaki shu paytgacha 3+1 bo'lib kelgan limit bu yildan 4+1ga o'zgardi. Yani, bu yil klublar o'z saflariga jami beshta xorijlik futbolchini qo'shib olishlari mumkin. Va mana shu besh nafar legioner orasida bittasi osiyolik bo'lishi shart.

Endi PFL nima sababdan bunday qarorga keldi, aksar klublar shundoq ham pul tomonlama qiynalayotgan bir paytda shartmidi shu ish deyishingiz mumkin. Ammo unutmangki, Superliga klublari legioner olib kelishga majbur emas. Xohlasa bitta yo ikkita olishi, xohlamasa umuman olmasligi mumkin. Endi buyog'i klublarning o'ziga qolgan. Lekin bizga malum bo'lishicha, bu o'zgarish “Paxtakor” taklifi bilan yuz bergan. Yani, “Paxtakor” bosh murabbiyi Shota Arveladze legionerlar limitini oshirish bo'yicha taklif bergan, natijada PFL xorijliklar sonini bittaga oshirib qo'ygan.

O'zbekiston chempionatiga legionerlar kerakmi? Albatta, yaxshi o'yinchi bo'lsa hammaga kerak. Lekin shunchaki kelib bir yil yo yarim mavsumni o'tkazadigan futbolchidan nima foyda? Yaxshi legioner bu - yaxshi pul degani. Ularning bir yillik maoshini bizda uncha-muncha klub to'lay olmaydi. Shu bois ko'pchilik arzon-garov legionerlarga yopishib oldi. Ko'plarining esa nomi legioner xolos, o'yini borasida maqtanib gapira olmaymiz. Limitning 4+1ga o'zgarishi o'zbek futboliga nima beradi degan savolga to'xtalishdan oldin oxirgi uch yil ichida yurtimizda o'ynagan legionerlar haqida fikr yuritsak. Zero biror o'zgarishga qo'l urishdan oldin buning sabablarini o'rganib chiqqan maqul deb o'ylaymiz.

2015 yil. 39 legioner

Statistikaga murojaat qilamiz, 2015 yilgi chempionatda 39 nafar legioner O'zbekiston oliy ligasida o'ynagan. Lekin ularning barchasi o'zidan yaxshi taassurot qoldirgan deya olmaymiz. Mana shu 39 xorijlikdan 13 nafari chempionat oxirigacha klublarda qolmagan. Xususan “Nasaf”da o'ynagan Oleksandr Koblash dastlabki uchta turdan so'ng nimadir sabab bo'lib uyiga ketib qoladi.

“Buxoro” yil boshida uchta legioner bilan shartnoma imzolaydi: Bogdan Xaushi, Vitaliy Plamadela va Vadim Kravchesku. Ammo ular birinchi davradan keyin klubni tark etishadi. Vyacheslav Shevchenko degan hujumchi esa bir davra “Qizilqum” sharafini himoya qilib, atigi ikkita gol urishga erishadi.

Birinchi davradan keyin jamoa bilan xayrlashish “Navbahor”da ham ro'y beradi. Yuriy Rijko bilan Aleksandr Melenchuk yurtimizni tark etishadi. OCHL uchun olib kelingan Damir Koyashevich bilan Ruslan Koryan “Lokomotiv” guruhdan chiqa olmagach, yozda klub bilan xayrlashishadi. “Dinamo” esa hech kim tanimaydigan ikki legioner Konstantin Mandrichenko va Aleksandr Boliyan bilan birinchi davrani bir amallab o'tkazadi, ammo yozda ularga javob berib yuboradi.

Hartugul “Mashal”ning rossiyalik hujumchisi Vladislav Ivanov 12 o'yinda beshta gol urib o'zidan yaxshi taassurot qoldirayotgandi, biroq u ham birinchi davradan keyin ketib qoladi. “Qo'qon-1912” tarkibida o'nta uchrashuvda maydonga tushgan Vladimir Argun ko'pchilik qatori yozgi tanaffusda uyiga qaytib ketadi.

Yana qiziq tomoni shundaki, ikki futbolchi yoz paytida o'tkazilgan tibbiy ko'rikdan o'ta olmagan. Lekin ular mavsum oxirigacha klub tarkibida qolishadi. Bular - “Andijon” futbolchisi Predrag Vuyovich bilan “Nasaf” himoyachisi Roy Rok. Odam hayron qoladi, modomiki, ular tibbiy ko'rikdan o'ta olmagan ekan ushlab o'tirgandan ne foyda? Klubda qoldi degani, yil oxirigacha unga oylik maosh berildi degani emasmi?

Ikkinchi davra arafasida ikki jamoa o'z safini bittadan futbolchi bilan to'ldirib oladi. “Olmaliq” o'z tarkibida darvozabon Valeriy Fomichevni, “Buxoro” esa Maksim Antonyuk degan futbolchini ro'yxatdan o'tkazadi. Darvozabon Fomichev ikkinchi davrada 8ta o'yinda maydonga tushib, o'z darvozasidan 11ta gol o'tkazib yuborgan. Maksim Antonyuk esa “Buxoro” safida faqat bitta o'yinda maydonga tushadi.

Xo'sh, bu futbolchilar o'zbek futboli rivojiga qanday hissa qo'shgan bo'lishlari mumkin? Bundan tashqari, o'sha yili uch futbolchi oliy liganing ikkita klubida to'p tepgan. Moldovalik Adrian Kashkaval birinchi davrada “Olmaliq”da o'ynab, ikkinchi davra oldidan “Neftchi”ga o'tib ketadi.

Bolgariyalik Nikolay Chipev degani birinchi davra “Dinamo”da o'ynaydi, keyin esa “Buxoro” tarkibiga borib qo'shiladi. Shuningdek, Sergey Georgiev degan umuman tanish bo'lmagan legioner dastlab “Navbahor” bilan shartnoma tuzadi va ikkinchi davra arafasida u ham “Buxoro”ga ko'chib o'tadi. 2015 yil faqat 21 nafar futbolchigina klubini o'zgartirmay mavsum oxirigacha bitta jamoada faoliyatini o'tkazgan.

Esingizda bo'lsa, o'shanda eng ko'p xorijlik futbolchi Moldovadan tashrif buyurgandi. Ularning soni sakkiz nafarni tashkil etgan. Umuman olganda, 2015 yil 14 mamlakat futbolchilari bizning chempionatda to'p surishgan. Xususan Rossiyadan oltita, Serbiyadan beshta, Ukrainadan to'rtta, Belarus va Turkmanistondan uch nafar, Chernogoriya va Gruziyadan ikkita hamda Tunis, Yaponiya, Sloveniya, Bolgariya, Ruminiya va Bosniyadan bittadan.

Albatta, ular orasida o'zidan iliq taassurot qoldirgan futbolchilar ham bo'lgan. Masalan, Evgeniy Cheremisin “Neftchi” tarkibida yaxshi harakat qilganini ko'pchilik ishqibozlar eslaydi. Turkmanistonlik Arslonmurod Omonov “Olmaliq” safida barcha 30 o'yinda maydonga tushib, o'zini ko'rsatgandi.

Bundan tashqari, Sato Minori, Adnan Oraxovac, Artur Gevorkyan, Darko Stanoevich, Nemanya Yanichich, Shaker Zuagi, Georgi Kvesieshvili, Kaxi Maxaradze, Yuriy Rijko kabi legionerlar ham futbolimizga nimadir bera olishdi. Lekin shunday legionerlar borki, ular bekordan bekorga o'ynab ketishdi, klublar esa mo'maygina pulni to'lab og'izlarini lang ochib qolavergan.

Oliy liga-2015. Legionerlar statistikasi

Futbolchi	Jamoasi	Amplua	T.sana.	O'yin	Daqiqa	Gol	SK	QK
Evgeniy Cheremisin (Rossiya)	"Neftchi"	Dar.	29.02.1988	30	2700	-	2	0
Arslonmurod Omonov (Turkmaniston)	"Olmaliq"	Yar.him	28.03.1990	30	1699	5	3	0
Adrian Kashkaval (Moldova)	"Olmaliq" / "Neftchi"	Him.	10.06.1987	29	2610	4	3	0
Sato Minori (Yaponiya)	"Bunyodkor"	Yar.him	02.03.1991	28	2520	4	6	0
Gennadiy Moshnyaga (Moldova)	"Andijon"	Dar.	25.04.1985	28	2520	-	1	0
Andrey Derkach (Ukraina)	"Qizilqum"	Yar.him	28.05.1985	28	2417	3	9	0
Nemanya Yovanovich(Serbiya)	"Olmaliq"	Huj.	03.03.1984	28	2380	9	6	0
Adnan Oraxovac(Serbiya)	"Paxtakor"	Him.	05.02.1991	27	2304	3	6	0
Mikita Bukatkin (Belarus)	"Mashal"	Yar.him	07.03.1988	27	2299	2	11	0
Nikolay Chipev (Bolgariya)	"Dinamo" / "Buxoro"	Yar.him	22.02.1989	27	2033	2	3	1
Artur Gevorkyan (Turkmaniston)	"Nasaf"	Yar.him	22.11.1984	26	2280	11	2	0
Igor Golban(Rossiya)	"Qo'qon-1912"	Him.	31.07.1990	26	2268	1	8	0
Evgeniy Gogol (Rossiya)	"Olmaliq"	Him.	20.01.1986	26	2210	2	5	3
Darko Stanoevich (Serbiya)	"Sho'rtan"	Him.	12.04.1987	25	2250	2	4	0
Nemanya Yanichich (Serbiya)	"Lokomotiv"	Him.	13.07.1986	25	2136	0	7	0
Shaker Zuagi (Tunis)	"Bunyodkor"	Yar.him	10.01.1985	25	1909	7	4	0
Georgi Kvesieshvili (Gruziya)	"Qizilqum"	Him.	01.12.1985	25	1907	0	4	0
Kaxi Maxaradze (Gruziya)	"Paxtakor"	Yar.him	20.10.1987	23	1819	6	2	1
Ivan Miloshevich (Serbiya)	"Bunyodkor"	Him.	03.11.1984	22	1862	0	4	0
Sergey Georgiev (Moldova)	"Navbahor" / "Buxoro"	Yar.him	20.10.1991	17	1191	4	5	1
Andrey Melnichuk (Ukraina)	"Dinamo"	Dar.	14.11.1978	16	1363	-	2	0
Predrag Vuyovich (Chernogoriya)	"Andijon"	Yar.him	20.08.1983	15	1337	2	1	0
Vitaliy Plamadela (Moldova)	"Buxoro"	Yar.him	21.01.1985	15	1205	0	3	0
Vadim Kravchesku (Moldova)	"Buxoro"	Yar.him	07.03.1985	13	1141	0	3	0
Vyacheslav Shevchenko (Ukraina)	"Qizilqum"	Huj.	30.05.1985	13	1115	2	2	0
Yuriy Rijko (Belarus)	"Navbahor"	Him.	10.10.1989	13	1113	0	2	0
Roy Rok (Sloveniya)	"Nasaf"	Him.	08.10.1986	12	974	1	1	0
Vladislav Ivanov (Rossiya)	"Mashal"	Huj.	24.01.1986	12	947	5	0	0
Samir Bekrich (Bosniya)	"Bunyodkor"	Yar.him	20.10.1984	12	490	0	1	0
Bogdan Xaushi (Ruminiya)	"Buxoro"	Him.	29.09.1985	10	815	1	4	1
Aleksandr Melenchuk (Moldova)	"Navbahor"	Dar.	20.03.1979	10	777	-	1	0
Vladimir Argun (Rossiya)	"Qo'qon-1912"	Yar.him	06.05.1991	10	566	0	2	0
Ruslan Koryan (Rossiya)	"Lokomotiv"	Huj.	15.06.1988	10	489	2	1	0
Valeriy Fomichev (Belarus)	"Olmaliq"	Dar.	23.02.1988	8	655	-	0	1
Damir Koyashevich (Chernogoriya)	"Lokomotiv"	Yar.him	03.06.1987	8	320	1	1	0
Aleksandr Boliyan (Turkmaniston)	"Dinamo"	Huj.	27.07.1989	5	361	0	0	0
Konstantin Mandrichenko (Moldova)	"Dinamo"	Yar.him	19.02.1991	4	234	0	0	0
Oleksandr Koblash (Ukraina)	"Nasaf"	Huj.	05.09.1989	3	253	2	0	0
Maksim Antonyuk (Moldova)	"Buxoro"	Yar.him	15.01.1991	1	57	0	0	0

2016 yil. 31 legioner

2015 yilgi mavsumda legionerlar ko'rsatgan o'yindan xulosa qilgan klublar bir yil o'tib sal mulohaza yuritgan holda ish qila boshlashdi. Buni jamoalarga taklif etilgan legionerlar soni kamaygani ham aytib turibdi. 2015 yil oliy ligada jami 39 legioner faoliyat olib borgan bo'lsa, 2016 yilgi mavsumda bu ko'rsatkich 31ni tashkil etdi. Demak, sakkizta kam. Bu esa sondan ko'ra sifatga etibor berilganini anglatadi. Qolaversa, legioner darvozabonlarga ruxsat berilmaganini ham yoddan chiqarmaslik joiz.

Aytish mumkinki, 2016 yil chempionat tarixdagi eng yaxshilaridan biri sifatida yodda qoladigan bo'ldi. Avvalo shu yili “Lokomotiv” o'z tarixida ilk bor chempionlikni qo'lga kiritgan bo'lsa, nomiga kelib o'ynab ketgan legionerlar ko'p ham ko'zga tashlanmadi. Aytish mumkinki, har bir klubda bitta yo ikkita legioner o'zini ko'rsata oldi. Xususan Nemanya Yovanovich “Qizilqum”da yaxshi mavsumni o'tkazdi. U 29 uchrashuvda maydonga tushib, 13ta gol urdi. “Qo'qon-1912”dan “Nasaf”ga o'tgan Igor Golban ham o'zini ko'rsatdi, u himoyachi bo'lishiga qaramay, beshta to'p kiritdi.

Lekin “Lokomotiv”ga o'tgan Artur Gevorkyan zo'r o'ynab ketdi deya olmaymiz. Jamoa garchi chempionlikka erishgan bo'lsa-da, Artur “Loko”da “Nasaf”dagi o'yinini namoyish eta olmadi. Gruziyalik legioner Kaxi Maxaradze esa aksincha “temiryo'lchilar” safiga o'tgach yanada shakllandi. Kerak paytda hatto himoya markazida o'ynab jamoadoshlariga yordam berdi. Sato Minori shu yili “Bunyodkor”da o'zining eng esda qolarli mavsumlaridan birini o'tkazdi deya olamiz. Bundan tashqari, “Olmaliq”da Evgeniy Gogol, “Mashal”da Andrey Derkach, “Navbahor”da Oleksandr Pishur va ayniqsa “Buxoro”da Vadim Chemirtan kabi legionerlar o'zlaridan iliq taassurot qoldirishdi.

Oliy liga-2016. Legionerlar statistikasi

Futbolchi	Jamoasi	Amplua	T.sanasi	O'yin	Daqiqa	Gol	SK	QK
Nemanya Yovanovich (Serbiya)	“Qizilqum”	Huj.	03.03.1984	29	2394	13	3	0
Igor Golban (Rossiya)	“Nasaf”	Him.	31.07.1990	28	2419	5	4	0
Artur Gevorkyan (Turkmaniston)	“Lokomotiv”	Yar.him	22.11.1984	28	1889	3	1	1
Evgeniy Gogol (Rossiya)	“Olmaliq”	Him.	20.01.1986	27	2391	3	5	1
Kaxi Maxaradze (Gruziya)	“Lokomotiv”	Yar.him	20.10.1987	27	2360	3	3	0
Adnan Oraxovac (Chernogoriya)	“Paxtakor”	Him.	05.02.1991	27	2008	1	6	0
Sato Minori (Yaponiya)	“Bunyodkor”	Yar.him	02.03.1991	27	1978	5	4	0
Georgiy Kvesieshvili (Gruziya)	“Qizilqum”	Him.	01.12.1985	26	2283	2	1	0
Yurica Bulyat (Xorvatiya)	“Bunyodkor”	Him.	12.09.1986	25	2250	0	10	0
Arslonmurod Omonov (Turkmaniston)	“Olmaliq”	Yar.him	28.03.1990	24	1698	3	3	1
Andrey Derkach (Ukraina)	“Mashal”	Yar.him	28.05.1985	22	1558	1	7	0
Vladislav Pavlenko (Ukraina)	“Mashal”	Yar.him	05.04.1994	21	1570	0	2	0
Aleksandr Alempievich (Serbiya)	“Bunyodkor”	Yar.him	25.07.1988	20	1361	1	3	0
Nemanya Yanichich (Serbiya)	“Lokomotiv”	Him.	13.07.1986	15	1305	0	2	0
Darko Gojkovich (Serbiya)	“Qo'qon-1912”	Him.	26.09.1986	14	1259	1	3	0
Oleksandr Pishur (Ukraina)	“Navbahor”	Him.	29.01.1981	14	1123	5	2	0
Vyacheslav Shevchenko (Ukraina)	“Qizilqum”	Him.	30.05.1985	14	1109	3	2	0
Nikola Valentich (Serbiya)	“Qo'qon-1912”	Him.	06.09.1983	13	1170	0	5	0
Denis Ilesku (Moldova)	“Andijon”	Him.	20.01.1987	13	1152	0	4	0
Dragan Cheran (Serbiya)	“Nasaf”	Huj.	06.10.1987	13	955	12	3	0
Yaroslav Martinyuk (Ukraina)	“Olmaliq”	Yar.him	20.02.1989	12	944	2	2	0
Ognen Krasich (Serbiya)	“Nasaf”	Yar.him	09.04.1988	12	943	3	2	0
Elman Tagaev (Turkmaniston)	“Andijon”	Yar.him	02.06.1989	12	775	0	1	0
Shaker Zuagi (Tunis)	“Bunyodkor”	Yar.him	10.01.1985	12	738	1	2	0
Vadim Chemirtan (Moldova)	“Buxoro”	Yar.him	21.07.1987	11	829	8	5	0
Darko Stanoevich (Serbiya)	“Olmaliq”	Him.	12.04.1987	10	798	1	1	0
Deyan Bolevich (Chernogoriya)	“Nasaf”	Him.	30.05.1990	7	562	2	0	0
Dorji Sangadjiev (Rossiya)	“Navbahor”	Yar.him	19.02.1996	7	487	0	2	0
Andrey Bugnyak (Moldova)	“Andijon”	Huj.	30.03.1988	7	446	0	1	0
Choy Xyun Yeon (J.Koreya)	“Navbahor”	Yar.him	16.04.1984	4	196	0	0	0
Slaven Stepanovich (Chernogoriya)	“Lokomotiv”	Huj.	02.11.1987	2	42	0	0	0

2017 yil. 37 legioner

Nihoyat o'tgan yilgi mavsumga ham etib keldik. Yakunlangan 2017 yilda jami 37 legioner klublar tarkibida ro'yxatdan o'tkazildi. Demak, son yana oshib ketganini ko'rishimiz mumkin. Mana shu 37 legionerdan 10 nafari chempionat tugamasdan ketib qolishdi. O'z yurtiga qaytib ketishni “Sho'rtan” legioneri Oleksandr Pishur boshlab berdi. U atigi uchta o'yinda maydonga tushib, narsalarini yig'ishtirdi-yu, shartnomasini bekor qilib qaytib ketdi.

“Neftchi” yil boshida uchta legionerni qo'shib olgandi. Ammo Vadim Abramov bosh murabbiylikni qo'lga olgach, yozda ularning uchalasiga ham javob berib yubordi. Bular - Dmitriy Komarovskiy, Sergey Koncevoy va Terentiy Lucevich. Nomlarni qarang! Bular o'zi futbol o'ynaganmi degan savol yuzaga keladi.

Legioner olib kelishda deyarli xato qilmaydigan “Bunyodkor” bu yil negadir xatoga yo'l qo'ydi. Ehtimol bu Sergey Lushanning qarori tufayli yuz bergan bo'lishi mumkin, chunki biz bilamizki, Mirjalol Qosimov jamoaga yangi o'yinchi olayotganda doim etti o'lchab bir kesishni maqul ko'radi. “Bunyodkor” o'z safiga Dushan Michichni taklif etgandi, ammo davralar oralig'ida uning ketishiga to'sqinlik qilmadi.

“Paxtakor” himoyachisi Yurica Bulyat yozda Belarus chempioni BATEga o'tib ketdi. Shuningdek, “Qizilqum” ham o'z futbolchisi Andrey Derkachga javob berib yubordi. “Lokomotiv” yaxshi niyatlar bilan olib kelgan Gnoxere Krizo o'ynab keta olmadi. “Mashal” ham yozda o'zining ikki legioneri Vladislav Pavlenko bilan Umedjon Sharipovga chiqish eshiklarini ko'rsatdi.

Ikkinchi davra oldidan etti nafar futbolchini klublar ro'yxatdan o'tkazishdi. Eng ko'p transfer qilgan jamoa “Paxtakor” bo'ldi. Bu jamoa 3+1dan to'liq foydalanib tarkibga to'rt nafar xorijlikni taklif etdi. Shunday qilib Marko Simich, Tiago Bezerra, Gidi Kanyuk, Rostin Griffits kabilar “sherlar”ga aylanishdi.

“Qizilqum” yana hech kimga tanish bo'lmagan Maksim Yurkuni ro'yxatdan o'tkazdi. “Lokomotiv” esa o'ynab keta olmagan Krizo o'rnini Olabiran Blessing bilan to'ldirib oldi. “Mashal” ham boshqalardan ortda qolmay deb yaponiyalik Tomoki Muramatsu bilan shartnoma tuzdi.

Lekin o'zini ko'rsatgan legionerlar ham ko'zga tashlandi. Masalan, Dragan Cheran mavsumni yuqori notada o'tkazib, “Nasaf”ning ikkinchi o'rinni egallashiga munosib hissa qo'shdi. Qolaversa, u 19ta gol urishga muvaffaq bo'ldi. Shuningdek, Igor Yelich, Kaxi Maxaradze, Nemanya Yovanovich kabi futbolchilar 29tadan o'yinda maydonga tushishdi.

Eng kam o'yin o'tkazgan legioner Andrey Derkach bo'ldi. U bor-yo'g'i bitta uchrashuvda harakat qildi. Yaponiyalik Muramatsu “Mashal” safida o'n besh daqiqadan ikkita o'yinda o'ynadi, xolos.

Oliy liga-2017. Legionerlar statistikasi

Futbolchi	Jamoasi	Amplua	T.sana	O'yin	Daqiqa	Gol	SK	QK
Igor Yelich(Serbiya)	"Olmaliq"	Yar.him	28.12.1989	29	2528	5	6	0
Kaxi Maxaradze(Gruziya)	"Lokomotiv"	Yar.him	20.10.1987	29	2398	1	3	0
Nemanya Yovanovich(Serbiya)	"Navbahor"	Huj.	03.03.1984	29	1974	7	4	0
Dragan Cheran(Serbiya)	"Nasaf"	Huj.	06.10.1987	28	2510	19	4	0
Artur Gevorkyan(Turkmaniston)	"Qizilqum"	Yar.him	22.11.1984	28	2393	5	1	0
Filipp Rayevac(Serbiya)	"Qo'qon-1912"	Huj.	21.06.1992	28	2286	7	4	0
Vladislav Kosminin(Belarus)	"Olmaliq"	Him.	17.01.1990	27	2430	6	7	0
Vladimir Baenko(Ukraina)	"Buxoro"	Him.	09.02.1990	27	2430	3	12	0
Igor Golban(Rossiya)	"Nasaf"	Him.	31.07.1990	27	2430	3	4	0
Darko Stanoevich(Serbiya)	"Navbahor"	Him.	12.04.1987	27	2289	1	5	0
Adnan Oraxovac(Chernogoriya)	"Paxtakor" / "Dinamo"	Him.	05.02.1991	24	2092	4	8	0
Darko Gojkovich(Serbiya)	"Qo'qon-1912"	Him.	26.09.1986	23	2045	3	6	0
Radu Rogak(Moldova)	"Dinamo"	Him.	07.06.1995	22	1843	1	1	0
Ivor Veycer(Xorvatiya)	"Buxoro"	Yar.him	24.05.1988	19	1143	4	5	0
Muhammad Kone(Kot-D'Ivuar)	"Lokomotiv"	Him.	12.12.1993	17	1244	0	6	0
Shota Grigalashvili(Gruziya)	"Olmaliq"	Yar.him	21.06.1986	17	788	1	2	0
Igor Timanyuk(Belarus)	"Mashal"	Him.	31.12.1994	16	1300	1	4	1
Farhod Musabekov(Qirg'iziston)	"Olmaliq"	Yar.him	03.01.1994	16	841	0	0	0
Kirill Pasichnik(Qozog'iston)	"Buxara"	Him.	24.05.1993	15	1270	1	2	0
Tiago Bezerra(Braziliya)	"Paxtakor"	Yar.him	12.02.1987	14	1225	4	2	0
Gidi Kanyuk(Isroil)	"Paxtakor"	Yar.him	11.02.1993	14	1021	1	1	0
Marko Simich(Serbiya)	"Paxtakor"	Him.	16.06.1987	13	1156	3	4	0
Dmitriy Komarovskiy(Belarus)	"Neftchi"	Yar.him	10.10.1986	12	993	2	3	0
Vadim Chemirtan(Moldova)	"Bunyodkor"	Huj.	21.07.1987	11	444	2	0	0
Yurica Bulyat(Xorvatiya)	"Paxtakor"	Him.	12.09.1986	9	603	0	2	0
Sergey Koncevoy(Belarus)	"Neftchi"	Him.	21.06.1986	8	720	0	3	0
Rostin Griffits(Avstraliya)	"Paxtakor"	Yar.him	10.03.1988	7	521	0	2	0
Umed Sharipov (Tojikiston)	"Mashal"	Yar.him	04.10.1992	6	196	1	0	0
TerentiyLucevich (Belarus)	"Neftchi"	Huj.	19.04.1991	5	450	0	1	0
Dushan Michich (Serbiya)	"Bunyodkor"	Yar.him	29.11.1984	5	394	0	2	0
Olabiran Blessing (Nigeriya)	"Lokomotiv"	Yar.him	07.08.1998	5	191	1	0	0
OleksandrPishur (Ukraina)	"Sho'rtan"	Huj.	29.01.1981	3	169	0	0	0
Vladislav Pavlenko(Ukraina)	"Mashal"	Yar.him	05.04.1994	5	153	0	0	0
Maksim Yurku(Moldova)	"Qizilqum"	Huj.	01.01.1993	2	74	0	1	0
Gnoxere Krizo(Kot-D'Ivuar)	"Lokomotiv"	Huj.	20.06.1997	2	39	0	0	0
Tomoki Muramatsu(Yaponiya)	"Mashal"	Yar.him	10.07.1990	2	27	0	0	0
Andrey Derkach(Ukraina)	"Qizilqum"	Yar.him	28.05.1985	1	26	0	0	0

Xulosa o'rnida

Maqola boshida aytib o'tganimizdek, klublarning nima niyat bilan legioner olib kelayotgani birlamchi o'rinda. Agar maqsad uning O'zbekiston futboliga yordami tegadi, yoshlar undan o'rnak oladi deyish bo'lsa gap bo'lishi mumkin emas. Pulingiz etsa, marhamat, kuchli legionerlar uchun eshik har doim ochiq.

Lekin legionerlar boshqa maqsadda olib kelinayotgan bo'lsa, unda faqat ayrim rahbarlarning foyda qilgani qoladi. Klub va muxlislar, eng muhimi, o'zbek futboli bundan doim yutqazaveradi. Shu bois bu yildan barcha klublar son emas, sifatga birinchi o'rinda qarashsa maqsadga muvofiq bo'lardi.

Zero, bekordan bekorga kelib biron tuzuk o'yin ko'rsatmay jaraq-jaraq pul olib ketgandan ko'ra, o'sha zaxira o'rindig'ida o'zimizning qorako'zlar o'tirgani maqul. Buyog'i nima bo'lishi klublar rahbarlari-yu, bosh murabbiylarning vijdoniga havola.

Legionerlar limiti 4+1ga o'zgardi. Bu kerakmidi?