Ushbu transferda "PROSPORTS MANAGEMENT" agentligi faol qatnashdi va ushbu o'z mijozini (Eldor Shomurodov) istiqbolli futbolchi sifatida "Rostov"ga tanishtirdi. Bugun, chet mamlakatlarda to'p tepadigan futbolchilarimiz bilan ishlaydigan agentliklarni tanishtirib o'tamiz.

PROSPORTS MANAGEMENT

"PROSPORTS MANAGEMENT" biz uchun begona agentlik emas. Ushbu tashkilot bilan Rossiyaning etakchi futbolchilari - Fyodor Smolov, Oleg Shatov, Sergey Ignashevich kabi o'yinchilar hamkorlik qilishadi. Eldor Shomurodovdan tashqari ushbu agentlik bilan O'zbekiston terma jamoasi sardori Odil Ahmedov ishlaydi.

EUROPE SPORTS GROUP

Ushbu agentlik juda mashhur bo'lmasada, tashkilot ko'proq janubiy va shimoliy amerikalik futbolchilar bilan ishlaydi. "Jubilo Ivata" safida maydonga tushayotgan Fozil Musaev ushbu agentlik mijozi hisoblanadi.

MARKOVIC & BINDER SPORTS MANAGEMENT GMBH

"MARKOVIC & BINDER SPORTS MANAGEMENT GMBH" agentligi bor-yo'g'i 9 nafar futbolchi bilan ishlagan bo'lsada, ularning 3 nafari o'zbekistonlik ekanligi etiborga molik. Jasur Hasanov ("Nasaf"), Bahodir Nasimov ("Ansan Grinners") va Sardor Rashidovlar ushbu agentik bilan ishlashgan.

WORTMANN SPORTMARKETING

"WORTMANN SPORTMARKETING" agentligi bir yo'la 3 nafar o'zbekistonlik bilan ishlagan ekan. Ayni damda Qatarning "Al-Sayliya" klubi sharafini himoya qilayotgan Temurxo'ja Abduholiqov, "Lokomotiv" himoyachisi Islom To'xtaxo'jaev va "Ordabasi" hujumchisi Aleksandr Geynrix ushbu agentlik mijozi.

Malumotlar Transfermarkt.de saytidan olindi.

Legionerlarimiz qaysi agentliklar bilan ishlashadi?