Aziz Haydarov ham, Igor Sergeev ham uchrashuvni boshlang'ich tarkibda o'tkazishdi. Haydarov maydonda 90 daqiqa to'p surgan bo'lsa, Sergeev birinchi bo'lim yakuniga etishi bilan almashtirildi. Uning o'rnida braziliyalik Ailton Almeyda harakat qildi.

Uchrashuv taqdiri birinchi bo'limning o'zidayoq hal qilib qo'yilgandi. 67-daqiqaga kelib ajmanliklar maydonda bir kishi kam harakat qilgan bo'lsa-da, “Al-Dafra” vaziyatni o'nglay olmadi. Tomonlarning birinchi davra o'yinida hisob ochilmagan, Haydarov o'sha bellashuvda ham 90 daqiqa to'p surgandi.

Bugun - 2 mart kuni Otabek Shukurov harakat qilayotgan “Sharja” safarda “Emireytes” klubiga qarshi saf tortadi. Ehtimoliy 3 ochko bilan sharjaliklar “Al-Jazira”ga ochkolar soni bo'yicha etib olishadi.

Championat.asia statistikasi

Haydarov hamda Shukurovning Amirliklardagi maqsadi tushunarli. Igor Sergeev ko'rinishidan kelajagi haqida jiddiyroq o'ylab ko'rishi kerak.

LegionerUz. Ajmanda kechgan “o'zbek derbisi”da Aziz Haydarov jamoasi Igor Sergeev klubini mag'lub etdi