Ўзидан 6 очко кам жамғариб турган “Ҳатта”ни қабул қилган шаржаликлар 1:3 ҳисобида енгилди.

“Ҳатта” жорий мавсум “Шаржа”дан максимал очко ишлаб олди. Томонларнинг “Ҳатта” майдонидаги ўйинида 3:2 ҳисоби қайд этилганди. Ҳозирга келиб “Шаржа” таркиби нисбатан кучайган бўлса-да, такрорий ўйинда ҳам жамоадан омад юз ўгирди. Шукуров беллашувда тўлиқ — 90 дақиқа тўп сурди.

“Ўзбек дербиси” бугунча йўқ

Бугун Сардор Рашидовнинг “Ал-Жазира” клуби Игорь Сергеев тўп сурадиган “Ал-Дафра”ни қабул қилиши керак эди. Маълумки, Рашидов клуб билан хайрлашиб улгурган. Шундан келиб чиқиб, бугун биз “ўзбек дербиси”га гувоҳ бўлмаймиз.

Сергеев“Ал-Дафра”нинг дуранг билан якунига етган ўйинида 60 дақиқа ҳаракат қилганди. Унинг жароҳати анча ортда қолган, катта эҳтимол билан Игорь бугун тўлиқ ҳаракат қилиши ҳам мумкин.

“Ал-Дафра” 1-давра ўз уйида “Ал-Жазира” билан 2:2 ҳисобида дуранг ўйнаган бўлиб, Рашидов ҳисоб 2:2 бўлиб турган 64-дақиқада захирадан ўйинга чиқарилганди.

Азиз Ҳайдаров БАА юлдузларига қарши

Азиз Ҳайдаров тўп сурадиган “Ажман” кучли тўртликка кириб олиш имкониятига эга. Бироқ бу осон бўлмаслигини ҳамма тушуниб турибди. Чунки “Ажман” юлдузли таркиби билан ўзбекистонлик футбол мухлислари учун ҳам яхши таниш бўлган “Ал-Айн” уйида меҳмон бўлади.

Чемпионлик учун кураш олиб бораётган “Ал-Айн” сафида Холид Исса, Холид Абдулраҳмон, Амир Абдулраҳмон, Умар Абдулраҳмон, Муҳаммад Абдулраҳмон, Маркус Берг, Аҳмад Ҳалил, Дуглас каби футболчилар бор. Кетма-кет 6 турдан буён мағлуб бўлмаётган Азиз Ҳайдаров жамоаси 1-давра “Ал-Айн”ни 2 та гол фарқи билан мағлуб эта туриб, якунда 3 та гол ўтказиб юборганди.

Ҳайдаров жамоасининг сўнгги ўйинини дисквалификация сабаб ўтказиб юборганди. Катта эҳтимол билан бугун у тўлиқ ҳаракат қилади.

Championat.asia статистикаси

ЛегионерУз. Шукуров жамоаси мағлуб бўлди. Бугун Ҳайдаров “Ал-Айн”га, Сергеев “Ал-Жазира”га қарши ўйнайди