"Барча ўтказиб юборилган голларда биз ҳимояда жуда тартибсиз ўйнадик. Ришарлисон рақиб жарима майдонида бош билан яхши ўйнашини яхши билардик. Қолган иккита гол эса орқа чизиқдаги тартибсизлик ортидан келиб чиқди. Ҳисоб 2:1 пайтида ўйинга қайтишимиз учун яхши вазиятлар бўлганди. Бироқ буни амалга ошира олмагандан кейин аҳмоқона учинчи голни ҳам ўтказиб юбордик.
Умуман олганда яхши ўйин кўрсатдик. Бироқ кураш бобида рақибдан ожиз қолдик. Ҳа, бу борада биз ўзимиздек бўла олмадик.
Ишлашда давом этиш керак. Ғалаба қозонсак ёқимли бўларди, бироқ бу Премьер-лига. "Манчестер Сити"га қарши ҳам чиройли ўйин кўрсатиб мағлуб бўлгандик. Шундан кейин яна икки бора мағлубиятга учрадик. Бу биз учун катта дарс бўлади", - деди Лэмпард.

Лэмпард ҳимоядаги хатолар ҳақида гапирди