"Бавария" клуби вингери Лерой Сане инглиз клубларидан бўлаётган қизиқишлар ҳақида берилган саволларга жавоб қайтарди. Маълумот учун, 28 ёшли футболчига "Манчестер Юнайтед" ва "Арсенал" клублари харидор бўлиб турибди.

"Мен ўзимга ва клубдаги ҳолатга ишонч билан қарамоқдаман. Янги битим бўйича музокаралар барқарор кечмоқда. Майдонда яна тўлиқ ҳаракат қилишни мақсад қилганман. Клуб раҳбарияти билан мулоқотимиз яхши руҳда кечмоқда.

АПЛ менга ёқади ва баъзи учрашувларни томоша қилиб бораман. Лекин менга ўзимни қулай ҳис қиладиган, энг яхши ўйинимни кўрсатадиган ва совринлар ютадиган клуб керак. Буларнинг барчаси "Бавария"да бор", -дейди Лерой Сане.

Маълумот учун, Саненинг "Бавария" билан амалдаги шартномаси ушбу мавсум охирида якунига етади.

Лерой Сане МЮ ва "Арсенал"дан бўлаётган қизиқиш ҳақида гапирди