"Lids" Chempionshipning muntazam mavsumini uchinchi o'rinda yakunlab, "Lester" va "Ipsvich"ga Premer-ligaga to'g'ridan-to'g'ri yo'llanmani boy berdi.

"Lids"ning "Norvich"ga qarshi birinchi yarim final uchrashuvi golsiz yakunlandi, ammo javob bahsida Iliya Gruev, Yoel Piru, Jorjino Ryutter va Krisensio Sammervillning gollari evaziga "kanareykalar"ni katta ustunlik bilan mag'lub etdi.

Shu tariqa "Norvich"ga qarshi kechgan yarim finalda umumiy 4:0 hisobida zafar quchgan Daniel Farke shogirdlari 26 may kuni "Vest Bromvich" yoki "Sautgempton"ga qarshi bahs olib boruvchi finalda ishtirok etishadi.

"Sautgempton" va "Vest Bromvich" o'rtasidagi ikkinchi yarim final bugun, 17 may kuni o'tkaziladi. Ular o'rtasidagi birinchi uchrashuv ham durang (0:0) bilan yakunlangan.

Chempionship. APLga chiqish uchun pley-off. Yarim final. Javob uchrashuvi

Lids – Norvich 4:0

Gollar: Gruev 7', Piru 20', Ryutter 40', Sammervill 68'

Birinchi o'yin - 0:0

"Lids" "Norvich"ni tor-mor etib, Chempionship pley-offining finaliga chiqdi