"Интер Майами" ҳужумчиси ва сардори Лионель Месси МЛС мунтазам чемпионатининг рамзий терма жамоасига саралаб олинди. Жамоа таркиби журналистлар, лига ўйинчилари ва мураббийлар томонидан шакллантирилди. 38 ёшли аргентиналик футболчи мавсумнинг биринчи қисмида 29 та гол уриб, энг самарали ҳужумчи бўлди.

Йил жамоасининг тўлиқ таркиби қуйидагича:

Дарвозабон: Дейн Сен Клер ("Миннесота Юнайтед");

Ҳимоячилар: Тристан Блэкмон ("Ванкувер Уайткепс"), Александр Фриман ("Орландо Сити"), Якоб Глеснес ("Филадельфия Юнион"), Кай Вагнер ("Филадельфия");

Ярим ҳимоячилар: Себастьян Берхалтер ("Ванкувер"), Эвандер ("Цинциннати"), Кристиан Ролдан ("Сиэтл Саундерс");

Ҳужумчилар: Дени Буанга ("Лос-Анжелес"), Андерс Дрейер ("Сан-Диэго"), Лионель Месси ("Интер Майами").

Лионель Месси МЛС 2025 йилнинг рамзий терма жамоасига киритилди