2006 yilgi jahon chempionati g'olibi Marchello Lippi shu yilning 25 yanvar kuni Xitoy terma jamoasi bosh murabbiyligidan ketgandi.Biroq oradan to'rt oy o'tib tajribali mutaxassis yana o'z lavozimiga qaytdi.

Malumki, Lippi Xitoy tark etgach, italiyalik boshqa bir murabbiy Fabio Kannavaro biroz muddat terma jamoani boshqardi. Lekin "China Cup" musobaqasidan so'ng bu murabbiy istefoga chiqarildi. Bo'shab qolgan o'ringa Xitoy futbol federaciyasi yana Marchello Lippini taklif qildi.

Qayta tayinlanuvga Xitoy futbol federaciyasi shunday bayonot berdi: "Marchello Lippi davrida terma jamoa o'sishga erishdi. Biz ishonamizki, g'alabali onlar hali oldinda. Va o'ylaymizki, aynan Lippi qo'l ostida terma jamoa jahon chempionati yo'llanmasini qo'lga kiritadi".

Yana terma jamoa ruliga qaytgan keksa murabbiy o'zining ilk uchrashuvini 7 iyun kuni Filippinga qarshi (o'rtoqlik o'yini) o'tkazadi. Oradan to'rt kun o'tib xitoyliklar Tojikiston termasi bilan kuch sinashishadi.

Lippi yana o'z o'rniga qaytdi