"Liverpul"da navbatdagi yo'qotish - jamoaga yaqin o'yinlarda himoyachi Endi Robertson yordam bera olmaydi. Shotlandiyalik "Napoli"ga qarshi dahshatli o'yinning so'nggida jarohat oldi - qo'shimcha vaqtlarda. Endilikda jarohat jiddiyligi va chap qanot himoyachining kamida ikki haftani o'tkazib yuborishi malum.

"U kamida terma jamoalar o'yinlari pauzasidan so'ng qaytadi deb o'ylayman", - xafa holda aytdi Yurgen Klopp.

Albatta, mersisaydliklarning ushbu mavsumdagi muvaffaqiyatsiz startida boshqa muammolar ham bor, ammo jarohatlar - aniq ulardan biri.

Robertson - maydonga chiqa olmaydigan "Liverpul"ning sakkizinchi o'yinchisi. Shu bilan birga, mavsum boshida natijalar bundan ham yomonroq bo'lgandi: jarohatlanganlar soni qaysidir paytda 10 nafarni tashkil etayotgandi.

"Aqlbovar qilmas hafta. Ko'p haftalar chidadim, ammo uyimizda huddi jodugar bordek tuyulmoqda. Har kuni kimdir g'alati sabablarga ko'ra safdan chiqadi", - deb aytdi Klopp.

Hozirda Robertsondan tashqari "qizillar" safida yana kim maydonga chiqa olmasligini ko'ramiz.

• Aleks Oksleyd-Chemberlen - o'tgan mavsum kam maydonga chiqqan, ammo zaxiradan o'yinni kuchaytirish uchun tushiriladigan o'yinchi. U yozda ketishi mumkin edi, ammo qoldi - u qoldi - ushbu mavsum hali maydonga chiqmadi, sababi kamida oktyabr o'rtalariga qadar safdan chiqqan.

• Nabi Keyta - gvineyalik Oksleyddan ko'ra muhimroq o'yinchi, garchi doim asosiy tarkibda maydonga tushirilmasa-da. Keyta yozda hech qaerga ketmadi, ammo jarohatlar unga yana o'zini ko'rsatishga imkon bermayapti: qaytish oktyabr o'rtalaridan keyin.

• Jordan Xenderson - jamoa sardori ham jarohat olgan, unda son bilan muammo bor. Yarim himoyachi oktyabr boshlariga qadar maydonga qaytmaydi, qaytishning aniq muddati esa nomalum.

• Ibraima Konate - himoyachining qachon qaytishi malum emas. "Liverpul" mavsum boshida u va Joel Matipsiz edi va Jo Gomes va Nataniel Fillips bilan qiynaldi (kim kuchliroq ekan nomalum). Konatening terma jamoalar o'yinlaridagi tanaffusdan so'ng mashg'ulotlarga qaytishi kutilmoqda.

• Kertis Jons - yana bir zaxiradan tushiriladigan o'yinchi, uning yo'qligi mavsum startida Klopp uchun jiddiy bosh og'rig'i bo'lgandi. Shu bilan birga, Jonsning tiklanish muddati nomalum - Kloppning takidlashicha, u allaqachon tuzalib ketganday tuyulganida bir necha bor o'zini noqulay his qilgan. Uni maydonga tushirishda albatta shoshilishmaydi.

• Kuivin Kellexer - O'tgan mavsum Liga kubogida yordam bergan Alissonning o'rinbosari bo'lgan ikkinchi darvozabon mashg'ulotlarga sentyabr oyi boshida qaytishi kerak edi, ammo apdeytdan so'ng uning holati haqida malumot berilmadi va umuman qaydnomalarda ko'rinish bermadi.

• Kelvin Remzi - "Aberdin"dan yozda xarid qilingan yosh himoyachi belidagi muammosi sabab to'g'ri kasalxonaga keldi. Klopp 1,5 hafta oldin Trentning raqobatdoshi asta-sekin tuzalayotganini aytdi, ammo aniq muddat yo'q.

• Fabiu Karvalyu - yosh portugaliyalik allaqachon jarohatlanganlar ro'yxatida bo'lishga ulgurdi, ammo sekin-asta to'laqonli mashg'ulotlarga qaytmoqda.

Bugun "Ayaks"ga qarshi CHL doirasidagi o'yin. "Chelsi"ga qarshi bahs esa qirolicha Elizaveta II'ning o'limi sabab ko'chirildi.

Alisher Ostonov tarjimasi

"Liverpul" jarohatlardan aziyat chekmoqda: endi Robertson ham yo'q. Bu sakkizinchi yo'qotish