Жамоа футболчиси Асадбек Самариддинов томонидан содир этилган қоидабузарлик сабаб бош ҳакам унга қизил карточка кўрсатди. Ушбу қарорга кўра, футболчи ўйин қоидаларини қўпол тарзда бузган деб топилди ва майдондан четлатилди. Натижада "Лочин" жамоаси учрашувни бир киши кам бўлиб давом эттиришга мажбур бўлди.
Эътиборли жиҳати шундаки, клуб матбуот хизмати бу ҳолатни аввалроқ ўтказилган "ТерДУ" – "Лочин" учрашувидаги вазият билан таққосламоқда. Ўша баҳснинг биринчи бўлими сўнггида (45+1-дақиқада) Жаҳонгир Шерматовга нисбатан жиддий қўполлик ишлатилган ва футболчининг юз қисмига оғир шикаст етказилган эди (илова қилинган суратда жароҳатнинг нақадар жиддий эканлигини ва футболчининг қоши ёрилганини кўриш мумкин). Бироқ ўшанда ҳакамлар томонидан рақиб жамоа футболчисига ҳеч қандай карточка кўрсатилмаган.
