"Temiryo'lchilar" o'z uylarida Qatarning "Al Rayan" klubini qabul qilishadi. Uchrashuv 19:00da boshlanadi. Quyida mazkur bellashuvga doir malumotlarni keltirib o'tamitz.

"Lokomotiv"

- "Lokomotiv" 2016 yil guruhdan chiqishni uddalab, chorak finalga qadar etib borgandi. Shundan beri qatorasiga uchinchi yil o'z ishtirokini guruhda yakunlayapti.

- "Lokomotiv" bungacha o'z maydonida Qatar klublari bilan ikki marta bahs olib borgan. Jamoa 2015 yil "Al Sadd"ni 5:0 hisobida mag'lub etib, o'tgan mavsum "Al Duhayl"ga 1:2 hisobida imkoniyatni boy bergan.

- "Lokomotiv" ketma-ket 9ta o'yindan beri raqib darvozasiga to'p kiritib kelmoqda. Bu klub uchun eng yaxshi ko'rsatkich hisoblanadi.

- Jamoaning bu mavsum OCHLdagi eng yaxshi to'purari Temurxo'ja Abduxoliqov. Uning hisobida hozircha 3ta gol bor.

- Bugungi uchrashuvni Davron Hoshimov sariq kartochkasi ikkitaga etgani tufayli o'tkazib yuboradi.

- "Lokomotiv" oxirgi o'yinini Superliga 9-tur doirasida "Bunyodkor"ga qarshi o'tkazib 0:0 hisobini qayd etdi.

"Al Rayan"

- "Al Rayan" guruh bosqichida 9-marta ishtirok etyapti. Shunga qaramay jamoa biror marta ham guruhdan chiqa olmagan.

- "Al Rayan" bungacha safarda 26ta o'yin o'tkazgan bo'lsa, shundan faqat bittasida g'alabaga erishgan. Yagona g'alaba 2012 yil 1:0 hisobida "Nasaf" ustidan qo'lga kiritilgan.

- "Al Rayan" bu yil guruh bosqchida 7ta gol urgan bo'lsa, shundan to'rttasi venesuelalik hujumchi Gelmin Rivasga tegishli.

- "Al Rayan" qatorasiga 13ta o'yindan beri o'z darvozasidan gol o'tkazib kelyapti. Har bir o'yinda o'tkazib yuborilgan o'rtacha gol 2,42ni tashkil etadi.

- "Al Rayan" Qatar chempionatini 4-o'rinda tugatdi. Shuningdek, Amir Kubogida yarim finalga qadar borib "Al Sadd"ga mag'lub bo'ldi.

"Lokomotiv" - "Al Rayan" uchrashuviga oid malumotlar