Ўтган мавсум “Локомотив”да барқарор футбол намойиш қила олган ҳимоячи янги йилни ватанида кутиб олиш учун Сербияга учиб кетганди. Шу боисдан ҳам Яничич Тошкентдаги йиғинда иштирок эта олмади. Бугундан эътиборан эса у тўлиқ мураббийлар ихтиёрида.

Бугунги кунни Мирко Йеличич 10:00 да бўлиб ўтган футболчилар иштирокидаги кичик йиғилиш билан бошлади ва у 15 дақиқа давом этди. Залнинг ўзидан жамоа аъзолари тўғри машғулот майдонига йўл олиб, 11:30 га қадар жисмоний тайёргарлик машқларига зўр беришди.

Айтиб ўтилганидек, “темирйўлчилар” кунига икки маҳалдан машғулот ўтказишяпти. Бугундан эътиборан улар тренажор залига ҳам ташриф буюришди. Бу ерда улар мураббий кўрсатмасига жиддий ёндошган бўлишсада, машғулот умумий планда қувноқ руҳда ўтди. Буни қуйида келтирилган фотосуратлардан ҳам билиб олиш қийин эмас.

Ҳориж йиғинидаги ишлар режа асосида давом этмоқда. Сиз биласизки, “Локомотив” ўзининг биринчи ўртоқлик учрашувини 15 январь куни Саудия Арабистони етакчиси “Ал-Аҳли”га қарши ўтказади. Ўйинга уч кун вақт бор. Яничичнинг келиб қўшилиши таркибни янада кучайтирди. Бундан ташқари “Локомотив”нинг яна битта аъзоси Икром Алибоев Ўзбекистон олимпия терма жамоаси билан бирга бўлиб турибди.

Қуйида бугунги кун фотосуратлари эътиборингизга ҳавола қилинади.

“Локомотив” Дубайда. Учинчи кун. Яничич сафга қўшилди