Аввалига сайтимиз орқали ўйиннинг ТТЗдаги "Локомотив" стадионида ўтказилиши ҳақида хабар бергандик.

Бироқ кейинчалик учрашуви жойи яна ўзгарди ва бугунги охирги маълумотга кўра Кубокнинг ярим финал ўйини ТТЙМИда бўлиб ўтади. Баҳс соат 18:00да старт олади.

Яна шуни айтишимиз лозим, эртанги ўйин учун чипталар сотуви йўлга қўйилади. Чипталар икки хил нархда белгиланган: CIP - 15 минг сўм, бошқа секторлар - 5 минг сўм. Чипталарни эртага стадионга кираверишдаги кассадан харид қилишингиз мумкин. Ўйинни ёритиш истагида бўлган журналистлар эса ПФЛ томонидан мавсум бошида берилган аккредитация орқали киришади.

Ўзбекистон Кубоги. 1/2 финал. Жавоб учрашуви

ЛОКОМОТИВ - НАСАФ

Ҳакамлар: Б. Намозов (Тошкент), Т. Галеев (Тошкент), А. Пўлатов (Тошкент), О. Толибжонов (Тошкент)

Назоратчи: Р. Айтеков (Тошкент).

15 сентябрь. ТТЙМИ стадиони. 18:00

"Локомотив": Кубок ўйини ТТЙМИда ўтказиладиган бўлди