Ushbu sahifa orqali o'yinning natijasini va eng asosiy vaziyatlarini kuzatib borish mumkin.

YANGILASH

O'yinning 13-daqiqasida Sardor Rashidov gol urdi, hakamlar o'yindan tashqari holat qayd etishdi. 17-daqiqada Sardor Rashidovning kuchli zarbasini Suyunov qiyinchilik bilan qaytardi. 19-daqiqada Tiago Bezerra jarima maydoni ichiga kirib borib zarba berdi, noaniq. 22-daqiqada yana o'sha Bezerraning kuchli zarbasi noaniq ketdi.

29-daqiqada To'xtaxo'jaevnin pasidan so'ng Bikmaev boshi bilan zarba berdi, to'p darvoza ustidan o'tib ketdi. 34-daqiqada Kozakning jarimadan tepgan to'pini Nesterov qaytardi.

37-daqiqada Shoahmedovning jarima maydoni ichidan bergan zarbasi noaniq bo'ldi. Keyingi daqiqada Gonsalveshning darvoza yaqinidan tepgan to'pini himoyachilar qaytarishdi.

39-daqiqada Bezerraning zarbasidan so'ng Nesterov to'pni qiyinchilik bilan ushlab qoldi.

Birinchi taymda hisob ochilmadi.

Ikkinchi taym boshlandi.

71-daqiqada Bikmaevning zarbasidan keyin to'p Suyunovning qo'liga, so'ng ustunga tegdi.

O'yinni stadiondan 19100 nafar ishqiboz kuzatmoqda.

73-daqiqada Sardor Rashidovning yaqin masofadan tepgan to'pini Suyunov oyoqlari bilan qaytardi! Ajoyib seyv!

Uchrashuv yakunlandi. "Lokomotiv" - "Paxtakor" 0:0

9-tur
29 aprel (yakshanba)
20:00 - “Lokomotiv” – “Paxtakor” 0:0
Hakamlar: V.Serazetdinov (Toshkent), A.Capenko (Toshkent), T.Gaynullin (Toshkent), A.Ergashev (Toshkent).
Nazoratchi – I.Nexochin (Namangan).
Komissar – M.Saidqosimov.

"Lokomotiv": Ignatiy Nesterov, Oleg Zoteev, Kaxi Maxaradze, Islom To'xtaxo'jaev, Igor Yelich, Ikrom Aliboev, Sadriddin Abdullaev (Diyorjon Turopov, 66), Sardor Mirzaev (Boburbek Yo'ldoshev, 83), Sardor Rashidov (Husniddin G'ofurov, 77), Sanjar Shoahmedov, Marat Bikmaev
Zaxira: Mamur Ikromov, Farhod Bekmurodov, Idris Bikmaykin, Cho Suk Jae

"Paxtakor": Eldorbek Suyunov, Vladimir Kozak, Sherzod Azamov, Marko Simich (s), Akmal Shorahmedov, Azim Ahmedov (Rostin Griffits, 78), Dilshod Rahmatullaev, Bahrom Abdurahimov (Jasurbek Yaxshiboev, 82), Jaloliddin Masharipov, Tiago Bezerra, Ismoil Gonsalvesh
Zaxira : Aleksandr Lobanov, Jamshid Iskanderov, Jasurbek Hakimov, Kamoliddin Tojiev, Doston Ibrohimov, Stanislav Andreev, Farruh Sayfiev,

Ogohlantirishlar: Sadriddin Abdullaev 48, Diyorjon Turopov 67, Marat Bikmaev 81, Oleg Zoteev 85.

“Lokomotiv” - “Paxtakor” uchrashuvida hisob ochilmadi