Temiryo'lchilar bu yilgi chempionatda 77ta gol urishning uddasidan chiqishdi. Lokomotiv gol urish borasida eng yaqin taqibchisi Nasafni 17 golga ortda qoldirdi. Qarshiliklar hisobida 60ta gol bo'ldi.

Lokomotivning 77 golidan 47tasi jamoada to'p tepayotgan ajoyib uchlik MSTga tegishli. Avvalo MST nima degani? M - Marat (Bikmaev), S - Sardor (Mirzaev) va T - Temurxo'ja (Abduxoliqov). Qisqa qilib aytganda, MST. (Barsada MSN (Messi - Suares - Neymar) bo'lsa, bizda MST (Marat - Sardor - Temurxo'ja).

Demak, aytib o'tganimizdek, 77 goldan 47tasi MSTga tegishli ekan. Bilasiz, bu yilgi oliy ligada Temurxo'ja Abduxoliqov 22ta gol bilan chempionat to'purari bo'ldi. Sardor Mirzaev 13, Marat Bikmaev esa 12 bor raqiblar darvozasiga to'p kiritishga muvaffaq bo'ldi.

Temurxo'ja o'z raqamiga mos ravishda birinchi davrada 11ta, ikkinchi davrada ham shuncha gol urdi. Sardor Mirzaev birinchi davrada 6ta, ikkinchi davrada esa 7ta gol urishning uddasidan chiqdi. Marat Bikmaevga kelsak, terma jamoamiz azosi birinchi davrada 5 bor, ikkinchi davrada esa 7 bor to'p kiritishga erishdi.

Chempionat to'purari Temurxo'ja Abduxoliqov bir o'yinda xet-trik qayd etib (Mashal bilan bahs), to'rt marta dublga erishdi: Andijon, Nasaf, Navbahor, So'g'diyonaga qarshi o'yinlarda. Sardor Mirzaev ikki bor dublga erishdi: Navbahor va Olmaliq bilan o'yinda. Marat Bikmaev esa uchta bellashuvda dubl muallifi bo'ldi: Neftchi va Olmaliq bilan kechgan ikkala uchrashuvda.

Quyida Lokomotivning Oliy liga-2016da gol urgan barcha futbolchilari ro'yxatini keltirib o'tamiz.

Temurxo'ja Abduxoliqov - 22 gol
Sardor Mirzaev - 13
Marat Bikmaev - 12
Sanjar Shoahmedov - 7
Server Jeparov - 7
Timur Kapadze - 4
Kaxi Maxaradze - 3
Oleg Zoteev - 3
Islom To'xtaxo'jaev - 2
Ikrom Aliboev - 1
Artur Gevorkyan - 1
Sadriddin Abdullaev -1
Izoh: 11-tur Lokomotiv - Buxoro bahsida raqib darvozaboni Muhiddin Xudoyorov o'z darvozasiga to'p kiritib qo'ygan.

Lokomotiv xabarlari: MST oliy ligada nechta gol urdi?