- Men uchun "Manchester Yunayted"dek jamoani boshqarish katta faxr bo'ldi. Bu erda ikki yil ishlab o'zimning azaldagi istagimni ruyobga chiqardim. Men jamoaga Angliya kubogini olib berganimdan faxrlanaman. Murabbiylik faoliyatim davomida 20 ta sovrinni qo'lga kiritishga erishganman. Ammo Angliya kubogi ular ichida o'zgacha bo'lib qoladi. Manchesterda 3 yillik rejamni to'liq amalga oshirish imkoniyatiga ega bo'lmaganimdan afsusdaman. Lekin ishontirib aytamanki, jamoa kelajagi uchun amalga oshirgan ishlarim endi mevasini bera boshlaydi. "Manchester Yunayted" yaqin orada muvaffaqiyatga erishadi. Chunki jamoa uzagini tashkil etganman.

Germaniya, Ispaniya, Gollandiyada ishlaganimda har doim Angliyada ham faoliyat yuritib, bu erning madaniyati bilan ham tanishishni xohlardim. Bu narsaga erishdim. Taassurotlar ajoyib. Qo'l ostimdagi barcha futbolchilarga minnatdorchilik bildiraman. Ularga kelasi mavsumda omad va zafarlar tilab qolaman. Bu futbolchilar bilan ishlash yoqimli bo'ldi. Yana bir yoqimli tomoni shundaki, bir qator yosh istedodlarga o'ynash imkoniyatini taqdim etdim. Yoshlar esa o'zlarini yaxshi taraflama ko'rsata olishdi. "Manchester Yunayted"dagi yoshlarning keyingi faoliyatlarini ham kuzatib boraman.

"Manchester Yunayted" klubi xo'jayinlariga menga bildirilgan ishonch uchun rahmat aytaman. "Yunayted" muxlislariga alohida tashakkurlarim bor. Ular shubhasiz jahondagi eng yaxshi ishqibozlar.

Lui van Gal: "MYUda 3 yillik rejamni to'liq amalga oshirolmaganimdan afsusdaman"