Unda "Joxor Darul Tazim" klubi ketma-ket uchinchi marta chempionlikka erishdi.

Hamyurtimiz Lutfulla To'raev faoliyat olib borgan "Felda Yunayted" klubi esa o'z tarixida ilk bor sovrindorlar qatoriga kirdi. Jamoa Malayziya vice-chempioni bo'ldi.

To'raev Malayziyadagi ilk mavsumida kumush medallariga ega chiqdi. Futbolchi 16ta o'yinda maydonga tushib 8ta gol urishga muvaffaq bo'ldi.

"Kedax" klubi mavsumni uchinchi o'rinda tugatib bronza medallarini qo'lga kiritdi.

Oybek Qilichev o'ynagan "Perak" klubi mavsumni 6-pog'onada tugatdi. Ikkinchi davrada jamoaga borib qo'shilgan Qilichev 9ta o'yinda ishtirok etdi.

Yana bir hamyurtimiz Dilshod Sharofetdinov faoliyat olib borgan "T-Tim" klubi chempionatni 7-o'rinda yakunladi. Sharofetdinov bu mavsumda jamoasi safida 20ta o'yinda maydonga tushib raqib darvozasiga 6ta to'p kiritdi.

18ta gol urgan "Joxor Darul Tazim"ning argentinalik hujumchisi Xorxe Rolando Pereyra Diaz chempionat to'purariga aylandi. Uning hamyurti va klubdoshi Xuan Martin Lusero 16ta gol bilan ikkinchi bo'ldi. To'purarlar poygasida kuchli uchlikni Fransis Doe Forkey yakunladi. Liberiyalik "Felda Yunayted" hujumchisi mavsum davomida 15ta to'p kiritdi.

Malayziya Superligasi. Yakuniy jadval

Lutfulla To'raev - Malayziya vice-chempioni!