Мадрид тижорат суди УЕФАнинг Европа Суперлигаси асосчиларини ўз мусобақаларидан четлатишга ҳақли эмаслиги тўғрисида қарор чиқарди.

Қонун чиқарувчи ҳакам Мануэль Руис де Лара УЕФА ушбу қарорга риоя қилмаган тақдирда бўйсунмаганлик учун жавобгарликка тортилиши мумкинлигини таъкидлади.

Шунингдек, суд "Реал", "Ювентус" ва "Барселона"га қарши барча интизомий чораларни, шу жумладан, Европа мусобақаларидан тушган маблағларнинг 5 фоизидан воз кечиш ва 15 миллион евро миқдоридаги хайрия маблағи ўтказиш каби санкцияларни ҳам бекор қилишни буюрди.

Эслатиб ўтамиз, ўтган ойда "Реал", "Барселона" ва "Ювентус"нинг Чемпионлар Лигасидан четлаштирилмаслиги тасдиқ топганди.

Мадрид суди Суперлига бўйича қарор қабул қилди