Аммо оёғидаги жароҳати безовта қилгач ортга қайтишга мажбур бўлди.Маҳлиё Сарикова кеча “Севинч” ПФК базасига келиб, барча билан хайрлашди ва Тошкентга, ўз уйига жўнаб кетди. Биз Сарикова билан кейинги режалари ҳақида қизиқдик:

- Менимча энди футболчилик фаолиятимни тугатсам керак, балки мураббийликда ўзимни синаб кўрарман. Янги мавсумгача ўйлаб кўришга вақтим бор, кейинроқ бир қарорга келарман. Шуниси аниқки, “Севинч” жамоасидаги фаолиятим ниҳоясига етди. Бу жамоада ҳаётимнинг энг ёрқин дамлари ўтди. Кўплаб ютуқларга эришдим, клуб раҳбарияти ва мураббийлардан жуда миннатдорман, – дейди Маҳлиё Сарикова.

Биз ҳам ўз ўрнида Маҳлиё Сариковага жамоамиз ютуқларига қўшган улкан ҳиссалари учун каттадан-катта ташаккурлар билдирамиз ва унга сиҳат-саломатлик тилаган ҳолда кейинги ҳаёти ва фаолиятида зафарлар тилаб қоламиз.

Маҳлиё Сарикова “Севинч”ни тарк этди