"Dastlabki golni urib olganimizdan so'ng negadir g'alati o'yin ko'rsatishni boshladik. Shu, gapiradigan boshqa gapim yo'q", - deya so'z boshladi Shackix.

- "Paxtakor"da himoya bilan bog'liq muammolar ko'rindi. Ikki himoyachi qaytdi, ammo "Lokomotiv" bilan o'yinda bo'lgani kabi orqada bo'shliqlar paydo bo'ldi, tayanch hududida ham xatolar kuzatildi.

- Individual mahorat va aql. Bizda shu bo'yicha katta muammo bor. Ko'ring, bolalarcha xatolar qildik. Doim shular bo'yicha ishlaymiz va uqtiramiz.

- Jamoa ikkinchi bo'limda juda xotirjam ko'rindi. Qandaydir ko'rsatma berilmadimi?

- Ko'rsatma? O'yindan oldingi ko'rsatma bo'lsa, unda faqat oldinga deganman. Yon chiziq bo'ylab sharh berib borish uchun u yoqdan bu yoqqan yugurishim kerakmas. Bu uchun o'yinoldi va tanaffus vaqti bor. Maydonda vaziyat tez o'zgaradi, ular bitta aytilgan gap bo'ycha harakat qilmay, o'zlari qaror chiqarishlari kerak. Murabbiylar shtabi natija uchun masuliyatni o'z bo'ynimizga olamiz, futbolchilar esa o'z harakatlari uchun. Qachonki shu narsa bo'lsa, nimadir o'zgarishi mumkin.

- Olimpiya terma jamoamiz aprelda Qatardagi Osiyo chempionatida ishtirok etadi. Unda jamoangizning ko'plab asosiy o'yinchilar bor. Umuman olganda, bu o'sha payt kubokdagi o'yinlarga qanday tasirini o'tkazadi?

- Qanday tasir ko'rsatishini ko'ramiz. Ularning jamoaga qanday holatda qaytishlari noaniq. Umuman boshqacha bo'lib kelishadi. Nima qilamiz, yoshlarimiz bor, ulardan yig'amiz.

Maksim Shackix: "Dastlabki golni urib olganimizdan so'ng negadir g'alati o'yin ko'rsatishni boshladik. Boshqa gapim yo'q"