"Paxtakor" bosh murabbiyi lavozimidagi faoliyatimni yakunlar ekanman, mana shu 2,5 yil davomida birga ishlagan barchaga rahmat aytmoqchiman!
Hurmatli klubimiz Prezidenti Jahongir Ortiqxo'jaevga bildirilgan ishonch va sabr-toqat, qo'llab-quvvatlash va donoligi uchun samimiy minnatdorman!
Klub ofisida mehnat qilgan barchaga, jamoaning barcha xodimlariga va shtabimizga, maydonda barcha kuchlarini qoldirgan futbolchilarga, jamoani oxirigacha qo'llab-quvvatlagan va ishongan barchaga tashakkur aytaman.
Ushbu mavsumlarning turli davrlarida meni shaxsan qo'llab-quvvatlagan barchaga chin qalbimdan tashakkur bildiraman. Bizga ishonmagan barchaga alohida rahmat, sizlar bizni yanada kuchliroq bo'lishimizga yordam berdingiz. Biz ikki marta chempion bo'lib, ajoyib yo'lni bosib o'tdik. Albatta, hamma narsa biz istagandek bo'lmadi, lekin hayot shunisi bilan yanada qiziqroq bo'ldi!
Futbolchilarimizga xorijning nufuzli klublaridan talab borligidan xursandman. Demak, biz to'g'ri yo'nalishdamiz.
Abbosbek Fayzullaev (CSKA), Aziz Turg'unboev (Sivasspor), Muhammadali O'rinboev (Brentford), Doston Tursunov (Istiqlol Huziston), Metyu Stinvorden (Terrenganu), Pshemislav Banashak (Gurnik), Hojimat Erkinov (Al Vahda), Ikrom Aliboev (Kanvon), Sardor Rashidov (Um Salal) va boshqalar.
Bir yil oldin klub rahbariyati belgilagan rivojlanish yo'nalishiga muvofiq katta etibor qaratgan yosh futbolchilarimiz katta o'sishga erishishdi. Men bundan xursandman. Bu jarayon oson kechmadi, natija yaxshi bo'lmagan bo'lsa ham, kelajak uchun mustahkam poydevor yarata oldik. Buning tasdig'i sifatida mavsumning eng yaxshi yosh o'yinchisi deb tan olingan Muhammadrasul Abdumajidovni misol keltirishimiz mumkin.
Men ishonch bilan yosh jamoani yangi murabbiyga topshiraman va klub tuzilmasini rivojlantirishga etibor qarataman. Maydondan tashqarisida ham etibor qaratishimiz kerak bo'lgan jabhalar bor. Oldinda ulkan rejalar va ko'plab ishlar kutmoqda", - deya izoh qoldirdi Maksim Shackix o'zining Instagram sahifasida.

Eslatib o'tamiz, Maksim Shackix klub direktorlar kengashi azosi va Jahongir Ortiqxo'jaev maslahatchisi sifatida klubdagi faoliyatini davom ettiradi.

Maksim Shackix "Paxtakor"dagi 3 mavsumlik faoliyatini izohladi