"Mendagi malumotlarga ko'ra, bu klub "Ufa" bo'ladi. Shamil Gazizovda bitta emas, balki birdaniga ikkita juda yaxshi taklif bor.

Ulardan biri Aleksandr Zinchenkoni sotib olganlardir. Ularga klubning futbolchiga bo'lgan munosabati va "Man Siti"dan tushgan taklif maqul kelmoqda. Agar huzuringizga shunday klub kelsa, 4 million o'rniga 10 million so'ragingiz keladi, ammo "Ufa" shartnomaga buni qo'shishga harakat ham qilmadi. To'rtmi, demak, to'rt. Sharqda bu qadrlanadi. Bundan tashqari, Boshqirdiston – neft mintaqasi va bu o'zaro manfaatli hamkorlik uchun juda ko'p imkoniyatlarni taqdim etadi.

Ikkinchi variant - "Red Bull". "Ufa" bosh direktori aynan shu yo'nalishga og'moqda. Ularning taklif qilayotgan pullari katta emas, biroq istiqboli bor. "RB" o'z sport loyihalaridan voz kechmaydi. U Braziliyada bo'ladimi yo Avstriyami yoki Germaniya, farqi yo'q – buning bari natija ustida ishlash va omma nazarida bo'lish istagidan. "RB Gana" yuqorida aytilganlardan istisno, klub 6 yil oldin g'oyib bo'lgan. Ammo men Rossiyada biznes qilish hali ham osonroq ekanligiga ishonaman.

"Ufa rahbariyati" allaqachon ular bilan bir nechta uchrashuvlar o'tkazgan. Tez orada hammasi hal qilinadi", – deb yozdi Naguchev.

Avvalroq, "Man Siti" xoldingining Rossiyada klub sotib olish istagi borligi haqida xabar berilgandi. City Football Group xolding kompaniyasi tarkibiga 9 klub kiradi. Bular "Manchester Siti"dan tashqari, "Nyu-York Siti" (AQSH), "Melburn Siti" (Avstraliya), "Mumbay Siti" (Hindiston), "Yokogama F. Marinos" (Yaponiya), "Montevideo Siti Torke" (Urugvay), "Jirona" (Ispaniya), "Sychuan Czyunyu" (Xitoy) va "Lommel" (Belgiya).

Red Bull esa "Leypcig", "Zalcburg", "Nyu-York" va "Brazil" futbol klublarini boshqaradi. Shuningdek, Red Bull xokkey, "Formula-1", motopoyga va boshqa sport turlari bo'yicha o'z jamoalariga ega.

Mutolaa uchun. "Red Bull" marketingi – bu kelajak yoxud "Artel Neftchi", "Ucell Navbahor"...

"Man Siti" xoldingi va Red Bull "Ufa"ga sarmoya kiritmoqchi